Mütəxəssislər onkoloji xəstəliklərin səbəblərinin 60 faizinin müasir qidalar olduğunu sübut ediblər. Eyni zamanda, əsas hansı qidalardan uzaq durmaq lazım olduğunu açıqlayıblar. 

Öncə bilmək lazımdır ki, bir qida­nın, hətta zərərli olsa da, çox yeyilməsi xərçəng əmələ gətirmir. Xərçəng çox mürəkkəb prosesdir, onun yaranma­sında genetika və digər faktorlar var. Amma xüsusi zərərli qidalar qrupu var ki, onları daim yemək bəzi orqanlarda xroniki iltihab yarada bilər. Qırmızı ət, termiki işlənmiş, emal edilmiş ət məh­sulları – kolbasa, sosis, bekon, hisə ve­rilmiş və s.

Elm sübut edib ki, gündə 100 qram belə ət məhsullarını yemək mədə-ba­ğırsaq, süd vəzi xərçəngi riskini 20 faiz artırır. Deməli, hər gün 3 sosis, 100 qram kolbasa və ya qızardılmış ət yeyənin xərçəngə tutulma ehtimalı daha çoxdur. Bu qidalarda olan natrium və digər zərərli maddələr mədə xərçən­ginin səbəbi ola bilər.

Bu qidalardan birdəfəlik imtina et­məliyikmi? Hər gün 50–100 qram kol­basa, qırmızı ət və kabab yemək təbii ki, olmaz. Əgər sizin gündəlik rasionu­nuz faydalıdırsa, meyvə, tərəvəz yeyir­sinizsə, həftədə 1 dəfə 1–2 dilim kol­basa ilə xərçəng əmələ gəlməz. Eləcə də alkoqol, qazlı içkilər ağız, dil, boğaz, mədə, bağırsaq və qaraciyər xərçəngi riskini artırır.

Z.HÜSEYNLİ
XQ