Müslüm Maqomayevin mahnılarının yeni ifası bu məqsədə xidmət edir
Rusiyanın məşhur sənətçiləri dahi müğənni Müslüm Maqomayevin 12 populyar mahnısından ibarət “Səsimi eşit” adlı albom yazdırıblar. Kompozisiyalar 2024-cü il martın 22-də Moskvada “Crocus City Hall”da baş vermiş dəhşətli terror aktı zamanı həlak olanların ailələrinə və yaralananlara kömək məqsədilə ifa olunub.
Albomda Rusiyanın tanınmış sənətçiləri – Basta, Valeriya, Vanya Dmitrienko, Polina Qaqarina, Stas Mixaylov və HammAli, Nəvai, Lyusya Çebotina, Vladimir Presnyakov və başqaları iştirak ediblər. Girişdəki şeiri isə Fyodor Bondarçuk səsləndirir. Topluda şəhər romantikası musiqisindən tutmuş simfonik orkestrə qədər çeşidli aranjimanlar palitrasından istifadə edilib.
Qeyd edək ki, pleylist VK, Yandex, MTS musiqi proqramlarında da mövcuddur. Bu albomu dinləyən insanlar yuxarıda sadalanan musiqi xidmətlərindən istifadə edərək onu pula çevirir və zərərçəkənlərə göndərir. Albomun çəkilişini isə “VK Music” şirkəti təşkil edib.
F. SALMANOVA
XQ
.jpeg)
