C vitamininin zəngin mən­bəyi olan limon immuniteti gücləndirir və ürək sağlamlığı­nı qoruyur. Zeytun yağının fay­dalarını isə saymaqla bitməz. Xərçəngə qarşı qoruyucu təsiri olan zeytun yağı ürək sağlam­lığını dəstəkləyir, xolesterin səviyyəsini balansda saxlayır, həmçinin xroniki xəstəlik riskini azaldır və iltihabı götürür.

Mütəxəssislər bildirirlər ki, zeytun yağına limon şirəsi əlavə etdikdə, bu, iki qidanın təsiri daha da artır. Qarışım həzm sistemini yaxşılaşdırır, qəbizliyə son qoyur. Böyrək daşlarından xilas olmaq üçün də bu qarışımdan faydalan­maq olar. 

Araşdırmalara görə, zeytun ya­ğında olan antioksidantlar döş və həzm sistemində xərçəng növlə­rinə qarşı qoruyucu təsir göstərir. Eyni zamanda, limonun təsiri ilə xərçəng hüceyrələrinin böyüməsi­nin qarşısını almaq olar.

Zeytun yağı və limon dəridəki yaraların daha tez sağalmasına kömək edir. Yara nahiyəsində ilti­habı aradan qaldırır, dəri toxuma­sını yeniləyir və çapıqları azaldır.

Qarışımın güclü təsiri üçün 10 damcı limon suyunu 1 qaşıq zey­tun yağına sıxmaq kifayətdir. Yax­şıca qarışdırdıqdan sonra içmək olar.

Qəbizlik problemlərində təsirli olması üçün hər səhər ac qarına qəbul etmək məsləhətdir. 15 gün istifadə etdikdən sonra fasilə ver­mək lazımdır.

Z.HÜSEYNLİ
XQ