Şərqi Zəngəzur iqtisadi rayonuna daxil olan Cəbrayıl, Qubadlı və Zən­gilan rayonlarında Prezidentin xüsusi nümayəndəliyi, Əmək və Əhalinin So­sial Müdafiəsi Nazirliyinin tabeliyindəki Dövlət Məşğulluq Agentliyi, Qaçqınla­rın və Məcburi Köçkünlərin İşləri üzrə Dövlət Komitəsi və Cəbrayıl Rayon İcra Hakimiyyəti tərəfindən birgə görüş təşkil edilib.

Köçə hazırlıq və məşğulluq üzrə işçi qrupu görüşü Biləsuvarda təşkil edib. Köçməsi planlaşdırılan bir qrup keçmiş məcburi köçkünün də iştirak etdiyi gö­rüşdə Böyük Qayıdış Proqramına uyğun olaraq işğaldan azad olunmuş ərazilərə köçürülən şəxslərin məşğulluğunun tə­min edilməsi istiqamətində görülən və planlaşdırılan işlərə dair müzakirələr aparılıb. Eyni zamanda, Dövlət Məşğul­luq Agentliyinin funksional istiqamətləri və layihələri barədə təqdimat edilib.

İşğaldan azad olunmuş ərazilərimi­zin sakinlərinin aktiv məşğulluq proq­ramları ilə əhatə olunması istiqamətində aparılan işlər barədə mərasim iştirakçı­larına ətraflı məlumat verilib. Daha son­ra görüşdə iştirak edən sakinlərin sual­ları cavablandırılıb.

Zərifə HÜSEYNOVA
XQ