Akif Xəlilov işğdaldan azad olunmuş Laçına birinci qayıdanlardandır. Keçən əsrin ortalarında Ermənistanın Masis rayonundan Laçına köçən Xəlilovlar burada özlərinə yurd-yuva qurublar, iş-güc sahibi olublar. 1992-ci ilin mayında erməni silahlıları Laçını işğal edəndə isə Bakıya pənah gətiriblər. Artıq bütün laçınlılar kimi, Xəlilovlar ailəsi üçün də həyat özünün təbii məcrasına düşməkdədir.
Laçınlılar Zəfərdən sonra keçirilən ilk seçkidə yeni tarixi mərhələyə qədəm qoymuş Azərbaycanın tərəqqisinə, xalqın xoşbəxt gələcəyinə səs verəcəklərinə əmindirlər. Otuz bir ildən sonra Laçına qayıdışlarını əsl möcüzə sayan yetmiş yaşlı Akif Xəlilov həm qaçqınlıq taleyi barədə fikirlərini, həm də 7 fevral prezident seçkiləri öncəsi keçirdiyi hisslərini secki-2024.az saytı ilə bölüşüb.
