Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə Bakı Dövlət Universitetinin do­sentləri Aynur Nəsirova və Xatirə Hü­seynovanın “Mediada saxta xəbərlər: yayılma səbəbləri və onunla müba­rizə üsulları” adlı kitabı çap olunub. 

Qloballaşan dünyanın nailiyyətlərin­dən olan internet cəmiyyətin həyatına əvəzsiz uğurlar gətirsə də, öz yalanları ilə ciddi problemlər də yaradır. YouTube, Facebook, İnstagram, Twitter, Tik-tok, Whatsapp, Telegram kimi resurslar həm də dezinforimasiyaların tirajlanmasında ciddi rol oynayır. Bəla burasındadır ki, ənənəvi mediadan fərqli olaraq, sosial media yaydığı informasiyaya görə cə­miyyət qarşısında heç bir məsuliyyət da­şımır. 

Təqdim olunan kitabda sosial media­da ziyanlı proseslərin yaranma səbəbləri araşdırılır, fəallaşan informasiya savaşı­nın ümumi mənzərəsi göstərilir, çoxsaylı faktlara istinad edilir. Müəlliflər dünya in­formasiya proseslərini həm nəzəri, həm də praktik çəhətdən araşdırmaqla saxta məlumatların qarşısının alınması yolları­nı da göstəriblər. 

“Qanun” Nəşrlər Evində çap olunan 120 səhifəlik kitaba filologiya elmləri dok­toru, professor Qulu Məhərrəmli ön söz yazıb. Filologiya elmləri doktoru Vüqar Zifəroğlu nəşrin elmi redaktoru, fəlsəfə doktoru Nüşabə Hüseynli isə redaktoru­dur. 

XQ