“Nuru Paşa”
(poemadan parça)
Türkün döyüş bayrağında
doğan Aya,
Hilala bax!
“Bakı! Bakı!” deyənlərin
gözlərində
Suala bax !
Bu yürüşə, bu hücuma,
Bu şanlı
cah-cəlala bax.
İgidlərin sırasında
“Hücum!” deyən
İgid gəlir.
Azərbaycan! Səndən ötrü
Gör neçə min
Şəhid gəlir!
Türkdən doğulan türk gəlir:
Kərbəladan Kərkük gəlir.
İzmirdən, Sivaşdan gəlir
Bakı döyük meydanıdı,
Hələbdən –
savaşdan gəlir.
-Mehmet!
-Mehmet!
Çağırırlar bir-birini.
Yerlər-göylər hifz eləsin
mehmetlərin
hər birini.
-Annəm! Annəm! – deyib gəlir.
Annəsini Türkiyədə
qoyub gəlir –
Azərbaycan anasının köməyinə.
Sənə qurban, Paşam mənim,
Sənin o türk
ürəyinə!
Nəriman HƏSƏNZADƏ,
Xalq şairi