Vətən müharibəsində şəhid olan soydaşlarımızdan biri də Bakının Zabrat qәsәbәsindәn cəbhəyə yollanmış Saleh Namiq oğlu Əliyevdir. Cəmi 28 il yaşadı, heç özünə təxəllüs də seçməmişdi. Amma tale ona təxəllüs olaraq müqəddəs Şəhid adını bəxş etdi. 

Əslәn Füzuli rayonundan olan Saleh 1998-ci ildә Zabrat qәsәbәsindә 71 saylı tam orta mәktәbdә 1-ci sinfә gedib. Məktəbi bitirdikdən sonra Bakı İdarəetməvəTexnologiya kollecinә qәbul olunub. Orta ixtisas təhsili aldıq­dan sonra isəbir müddət istehsalatda çalışıb. 2014–2016-cı illәrdә Milli Ordu sıralarında hәqiqi hәrbi xidmәtdә olan Saleh vətənpərvərlik mövzusunda şeir­lər yazaraq dostları üçün oxuyub. Əsas mövzularından biri dəVətənin ərazi bütövlüyü, əzəli torpaqlarımızın düş­mən tapdağından azad edilməsi olub. Əsgərlikdən sonra Salehin poetik duy­ğu vədüşüncələri həm dəsaf məhəb­bətə, sədaqətəköklənib.

O, ürək edib şeirlərini redaksiyalara göndərməsədə, dostları arasında şair kimi tanınıb. Arabir məclislərdəonların xahişi iləbəzi poetik nümunələrini səs­ləndirib. Bəlkədəhaçansa ilk şeirlər kitabının çap olunmasını arzu edirdi. Amma... 

2020-ci ilin iyul ayında Saleh Əliyev Azәrbaycan Ordusunun generalı Polad Hәşimovun şәhadәtindәn sonra, ailә­sindәn xәbәrsiz, dostları ilә birlikdә ön xәtdә döyüşmәk üçün könüllü olaraq qeydiyyatdan keçib. Sentyabrın 21-dә tәlimә çağrılıb vəbir həftəsonra – düş­mənəqarşı “Zəfər Yürüşü” adlanan əks-hücum əməliyyatları başlananda cәbhәyә gedib. 

Qanlı-qadalı oktyabr ayının 15-dә günorta Saleh imkan taparaq anasına zәng edib: “Hәr şey yaxşıdır, inşaallah, qәlәbә bizimdir! Özünüzdәn muğayat olun. Axşam vaxtım olsa, yenəzәng edәrәm”, – deyib. Təəssüf ki, elә hә­min gün axşam saatlarında Füzuli is­tiqamәtindә döyüşlər qızışıb vəböyük şücaәt göstәrәn Saleh şәhidlik zirvə­sinəucalıb. 

Şәhadәtindәn sonra “Vәtәn uğrun­da”, “Xocavәndin azad olunmasına görә” medalları ilә tәltif olunub. Onun dәftәrçәsindәn səngərdəyazdığı şeir­lәri tapılıb. Bəzisi barıt qoxulu, bəzisi ana nisgilli, bəzisi dəyar həsrətli şeir­lər...

Saleh Əliyevin bir şeirini təqdim edirik: 

POST ƏSGƏRİ

Anacan, darıxma sәn oğlun qәdәr, 

O, postda dayanıb, yurdu qoruyur – 

әlindә avtomat sәhәrә qәdәr.

Dualar elә ki, oğlun qayıtsın. 

O, postda durub ki, 

El rahat yatsın… 

Ana gözlәri yolda, tәk oturub otaqda, 

Oğlu isә sәngәrdә, düşmәnlә üz-üzәdir... 

Oğul narahatdır ki, yaralansa, ya ölsə, 

Xәbәr qanad açıb anaya çatar... 

Ana narahatdır ki, oğlu soyuq gecәdә 

Daş, torpaq üstә yatar... 

Gözlərindən qaçaq düşər yuxular, 

Səhərəcən ürəyindəqorxular... 

Belә açılar sәhәr, belә keçәr gecәlәr, 

Ana oğlunu gözlәr, 

Oğul ananı özlər... 

Saleh ƏLİYEV