Əmək və Əhalinin Sosial Müdafiəsi Nazirliyi Fərdi Reabilitasiya və Abilitasiya Proqramının (FRAP) tətbiqi üzrə yeni altsistem istifadəyə verib.
Qeyd edək ki, FRAP-da əlilliyi olan şəxslərin tibbi, peşə-əmək, psixoloji-pedaqoji reabilitasiyası və sosial bacarıqlarının inkişafı ilə əlaqədar kompleks tədbirlər əhatə olunur. Yeni altsistemdə də əlilliyi olan şəxslərlə bağlı məlumatlar əks olunacaq. Bu əlillərin yaşayış yerləri, bacarıqları, onlarla bağlı nəzərdə tutulan reabilitasiya və abilitasiya tədbirləri, eləcə də reabilitasiya vasitələri və xidməti, sanator-kurort yollayışları, minik avtomobilinin verilməsinə dair tibbi göstərişlər daxildir.
Qeyd olunan tədbirlər e-formada nazirliyin mərkəzləşdirilmiş elektron informasiya sistemi vasitəsilə daxili icraçılara yönəldilir. Altsistem göstərilən sahədə çevik məlumat mübadiləsinə, aidiyyəti qurumların əlaqəli fəaliyyətinin, ümumən, reabilitasiya tədbirlərinin daha səmərəli və təkmil təşkilinə imkan verir. Bununla qeyd olunan proqramın tərtibi və həyata keçirilməsinə daha çevik nəzarət etməyə şərait yaranır.
Həmin tədbirlərin nəticələri barədə məlumat vətəndaşların e-sosial portalındakı elektron kabinetlərində əks olunacaq.
Zərifə HÜSEYNOVA,
XQ
