Dünya Bankının maliyyə dəstəyi ilə həyata keçirilən “Məşğulluğa dəstək layihəsi” çərçivəsində Sabirabad rayonunda layihə iştirakçılarına seçdikləri istehsal və xidmət sahələri üzrə avadanlıqlar verilib. Bu barədə Əmək və Əhalinin Sosial Müdafiəsi Nazirliyindən aldığımız xəbərdə bildirilir.
Qeyd edilir ki, həmin rayon və ətraf bölgələr üzrə daha 20-yə yaxın işsizə aktivlər verilməklə onlar üçün kiçik biznes imkanı yaradılıb. Layihəyə cəlb olunanlar ilkin mərhələdə onlar üçün təşkil edilən təlimlərdə iştirak ediblər. Sonda keçirilən qiymətləndirmə prosesində biznes planlarını müdafiə edənlərə avadanlıq verilib, kiçik biznes qurmalarına dəstək göstərilib.
Zərifə HÜSEYNOVA,
XQ
.jpg)
