Goranboyda ilk dəfə olaraq əkinlərin və əmlakların dayanıqlı sığortası ilə bağlı regional konfrans keçirilib. Tədbir iştirakçıları əvvəlcə Ümummilli lider Heydər Əliyevin şəhərin mərkəzində ucaldılmış abidəsini ziyarət edib, daha sonra Heydər Əliyev Mərkəzində Ulu öndərin həyat və fəaliyyətini özündə əks etdirən fotostendə baxıblar. 

Rayon olimpiya-idman komplek­sinin akt zalında keçirilən tədbirdə Gəncə-Daşkəsən iqtisadi rayonunda fəaliyyət göstərən icra kakimiyyəti, bələ­diyyə nümayəndələri, fermerlər, sığorta şirkətləri və fermerlərlə birbaşa əmək­daşlıq edən qurumların təmsilçiləri, Döv­lət Aqrar İnkişaf mərkəzlərinin əməkdaş­ları iştirak ediblər.

Goranboy Rayon İcra Hakimiyyətinin başçısı Məhərrəm Quliyev kənd təsər­rüfatı işlərinin gedişi barədə məlumat verərək bildirib ki, rayonda aqrar sahənin inkişaf etdirilməsi üçün potensial imkan­lar var. Kənd təsərrüfatı məhsullarının risklərə qarşı müdafiəsi istehsalın da­vamlılığını təmin edən vacib amil kimi qiymətləndirən rayon icra hakimiyyətinin başçısı deyib ki, aprel və iyun aylarında ölkə ərazisində, o cümlədən Goranboyda yağan intensiv yağışlar, dolu, sel-subas­ma nəticəsində kənd təsərrüfatına ciddi zərər dəymiş, məhsulunu sığortalama­yan fermerlər itkilərlə üzləşmişlər. 

Tədbirdə çıxış edən Aqrar Sığorta Fondu İdarə Heyətinin sədri Fuad Sa­dıqov qeyd edib ki, kənd təsərrüfatı sahə­sində çalışan bütün fermerlər bu sistemin xidmətlərindən istifadə edə bilərlər. Onun sözlərinə görə, dövlət dəstəkli aqrar sı­ğorta ölkə Prezidentinin fermerlərə xüsu­si qayğısının bariz nümunəsidir. “Dövlət fermerləri subsidiyalarla daim dəstəklə­yir. Aqrar sığorta da bu dəstəyin davamı­dır. Açıq səma altında bir istehsalı təbiət hadisələrindən qorumaq mümkün deyil, ciddi bir hadisə zamanı fermerlər nəinki gözlədikləri gəlirləri, yatırımlarını da iti­rirlər. Bu hallarda onlara dəstək olmaq, fermerlərin investisiya və qazanclarının etibarlı qorunması məqsədilə dövlət tərə­findən yaradılmış aqrar sığorta fermer­lərimizin xidmətindədir”, – deyə o əlavə edib. 

“PAŞA Sığorta”nın satış kanalları və nümayəndəliklərin idarə olunması şöbə­sinin rəisi Aqil Yaqubov daşınmaz əmla­kın icbari sığortlanamasının əhəmiyyət­lərindən danışaraq deyib ki, daşınmaz əmlakın icbari sığortasının əsas məqsədi əmlaka dəymiş zərərə görə sığorta təz­minatının vaxtında ödənilməsi ilə əhalinin maraqlarını qorumaq və beləliklə də, on­ların sosial müdafiəsini təmin etməkdir. 

Daha sonra əkin sahələrinin və əm­lakların sığortalanması mövzusunda mü­zakirələr aparılıb.

Bütövlükdə isə, yerlərdə fermerlərin aqrar sığorta haqqında maarifləndirilmə­si, sığorta ilə bağlı müraciətlərin vaxtında edilməsi istiqamətində birgə fəaliyyətin təşkili konfransın əsas müzakirə mövzu­su olub. 

Hamlet QASIMOV,
“Xalq qəzeti”nin bölgə müxbiri