Mingəçevirdə belə dialoqlar nöqsanları aşkara çıxarmağa kömək edir

Təcrübə göstərir ki, yerlərdə səyyar görüşlər əhalini narahat edən problemlərin öyrənilməsi və birbaşa həlli baxımından əhəmiyyətlidir. Mingəçevir şəhər rəhbərliyi bu iş üsulunun tətbiqi ilə sosial-iqtisadi məsələlərin operativ həll olunmasına üstünlük verir. 

Şəhər icra hakimiyyəti­nin başçısı İlham İsmayılo­vun növbəti səyyar görüşü H.Əliyev prospektindəki 72 nömrəli yaşayış binasının qarşısında oldu. Görüşdə icra aparatının məsul şəxslə­ri, idarə, müəssisə və təşkilat rəhbərləri, ictimaiyyət nü­mayəndələri iştirak edirdilər. H.Əliyev prospektindəki ya­şayış binalarının sakinləri ilə yanaşı şəhərin digər ərazilə­rində yaşayan vətəndaşlar da görüşə qatılmışdılar. 

Tədbirdə xüsusi vurğulan­dı ki, Prezident İlham Əliyev vaxtaşırı bölgələrə gedərək, regional inkişaf üzrə proq­ramların, göstəriş və tapşı­rıqlarının icrasına şəxsən nəzarət edir, birbaşa görüşlər zamanı əhalinin fikirlərini öy­rənir, bu və ya digər məsələ barədə məhz ilkin mənbədən məlumat alır. Qeyd olundu ki, Mingəçevir Şəhər İcra Haki­miyyətinin tədbirlər planına əsasən, tez-tez yerlərdə bu cür görüşlər keçirilir. Qaldırı­lan məsələlər icra nəzarətinə götürülür və həllinə nail olu­nur. Məsələn, həmin görüş­lərin nəticəsi olaraq hazırda şəhərdəki Dostluq Parkında yeni əyləncə mərkəzi yara­dılır, həmçinin Sahil Parkı genişləndirilir, Bayraq Mey­danında, giriş qapısının ətra­fında quruculuq işləri aparılır. Bu il Kürün sağ və sol sahil­lərində, Energetiklər yaşayış massivində 55 yaşayış binası əsaslı təmir olunacaq, 5 nü­munəvi məhəllə yaradılacaq, işıqlanma sistemi təzələnə­cək. Şəhər rəhbəri bildirdi ki, əsas məqsəd vətəndaşların istək və arzularına uyğun ola­raq problemləri həll etməkdir. 

Görüşdə çıxış edən sa­kinlərdən Yeganə Mirzəye­va, Elçin Əhmədov, Gülnar Məmmədova, Əliyar Bəndə­liyev, Təranə Əsədova, Zahid Mirzəyev, Şərafət İmamver­diyeva və başqaları görülən işlərə görə ölkə və şəhər rəh­bərliyinə minnətdarlıqlarını bildirdilər. Problemlər dilə gə­tirildi. İşlə təmin edilmə, ka­nalizasiya xətlərinin və istilik sisteminin çəkilməsi, səhiyyə xidmətində qayda yaradılma­sı, keçmiş toxuculuq kom­binatına məxsus fəaliyyəti olmayan 2 nömrəli uşaq bağ­çasının ərazisində yaranmış antisanitar vəziyyətin aradan qaldırılması, qurumuş ağac­ların budanmaması, uşaqlar üçün əyləncə qurğularının sayının artırılması və digər məsələlərlə bağlı müraciətlər edildi. 

ŞİH başçısı İlham İsmayılov səslənən məsələlə­rin həlli üçün aidiyyəti idarə və müəssisə rəhbərlərinə tap­şırıqlar verdi. Qeyd etdi ki, bu ilin tədbirlər planına əsasən bu ərazidə, 126-cı məhəllədə quruculuq işləri aparılacaq, bura nümunəvi məhəlləyə çevriləcək. Binaların hamısı əsaslı təmir olunacaq, ümu­mi istifadə sahələrində sə­liqə-sahman yaradılacaq. 

Səyyar görüşdə iştirak edən hər kəs səmimi və işgü­zar münasibətdən razı qaldı.

İlqar HƏSƏNOV,
“Xalq qəzeti”nin bölgə müxbiri