AMEA-nın Şəki Regional Elmi Mərkəzi və Azərbaycan Yazıçılar Birliyinin Şəki bölməsinin birgə təşkilatçılığı ilə Ulu öndərin 100 illik yubileyinə həsr olunmuş “Bölgə yazarlarının yaradıcılığında Heydər Əliyev obrazı” mövzusunda ədəbi-mədəni tədbir keçirilib.
Mərkəzin elmi işlər üzrə direktor müavini Fərhad Əzizov, AYB-nin Şəki bölməsinin sədri Vaqif Aslan Ümummilli liderin bütün sahələrin inkişafında olduğu kimi, mədəniyyət və ədəbiyyat sahələrinin çiçəklənməsində, o cümlədən Şəkidə mətbuatın, teatrın, ədəbiyyatın formalaşmasında və inkişafında müstəsna rolu olduğunu vurğulayıblar.
Şəki Regional Elmi Mərkəzin Ədəbi-mədəni mühit, folklor və etnoqrafiya şöbəsinin aparıcı elmi işçisi dosent Kamil Adışirinov, Balakəndə “Çeşmə” Ədəbi Birliyinin sədri Nəsihət Vahidova, Şəki Regional Elmi Mərkəzinin Gənc Alim və Mütəxəssislər Şurasının sədri Tural Adışirinov, bölgə yazarları Solmaz Elqızı, Adilə Aslanova, Güldanə Ramazanova, Elvin Nuri, Reyhan Miqdadqızı və başqalıarı Heydər Əliyevin xalqa, dövlətə olan sonsuz sevgisindən bəhs ediblər.
“Xalq qəzeti”
