Azərbaycan dövlətinin qurucusu, dünyanı heyran qoyan dahi şəxsiyyət Heydər Əliyevin anadan olmasının 100-cü ildönümü ilə əlaqədar “Azərbaycan və ingilis dillərində işıq üzü görmüş “Heydər Əliyev həyatının 100 anı” kitabının Birləşmiş Millətlər Təşkilatının Cenevrə Ofisində təqdimat mərasimi keçirilib.

BMT Cenevrədəki Bölməsinin baş direktoru, xanım Tatyana Valovaya dünya şöhrətli siyasətçi və dövlət xa­dimi Heydər Əliyevin BMT–Azərbay­can əlaqələrinə xüsusi önəm verməsi barədə fikirlərini bölüşərək, bu sahədə onun çoxşaxəli fəaliyyətindən, ilk növ­bədə, Azərbaycanın beynəlxalq təşki­latlarda təmsil olunmasındakı səylərin­dən danışıb.

Cenevrə Ofisi baş direktorunun ka­binet rəhbəri, “Heydər Əliyev həyatının 100 anı” kitabının redaksiya heyətinin üzvü David Çikvaidze, Heydər Əliyev həyatının 100 anı” kitabının müəllifi, “Azərbaycanım” beynəlxalq jurnalının baş redaktoru, Beynəlxalq Elmlər Aka­demiyasının müxbir üzvü Emil Nəsirli bildiriblər ki, ulu öndər Azərbaycana rəhbərlik etdiyi illərdə uzaqgörən daxili və xarici siyasəti nəticəsində ölkəmi­zin beynəlxalq aləmdəki nüfuzu artıb, hərtərəfli inkişafa nail olunub, müstəqil­liyimizin əbədi və dönməz olması təmin edilib.

Qırğız Respublikasının BMT-nin Cenevrədəki Bölməsi və digər bey­nəlxalq təşkilatlar yanında daimi nü­mayəndəsi Ömər Sultanov, Türkiyə Respublikasının daimi nümayəndəsi Güven Begeç, Azərbaycan Respubli­kasının Daimi Nümayəndəliyinin mü­vəqqəti işlər vəkili Dilarə Abdullayeva ümummilli lider Heydər Əliyevin rəh­bərliyim ilə siyasi və diplomatik sahədə öz ölkəsinə qazandırdığı böyük uğur­lardan bəhs ediblər.

Sonra tədbirdə təqdimatı keçirilən kitabın videoslaydı təqdim olunub.

Xatırladaq ki, “Heydər Əliyevin hə­yatının 100 anı” kitabının ilk təqdimatı mayın 5-də Bakıda, Atatürk Mərkəzin­də keçirilib. Xarici ölkələrdəki təqdi­matlar isə bundan əvvəl İstanbulda və Parisdə olub.

“Xalq qəzeti”