Tibet rahiblərinin resepti yalnız qan və limfanı təmizləmir, eyni zamanda, qaraciyər, böyrək, bağırsaq, damarlar da şəfa tapır. Bədəndən duzlar və zəhərlər çıxır. Bu təmizlənmə oynaq xəstəliklərində də faydalıdır, mədə-bağırsaq traktına isə müsbət təsir göstərir.
Tibet resepti ödqovucu, sidikqovucu, limfa və qan təmizləyici, parazit və iltihab əleyhinədir. Bundan əlavə, onun istifadəsi xolesterol və yağ tıxaclarını çıxarmağa və metabolik prosesləri normallaşdırmağa imkan verir.
Əlavə olaraq, ateroskleroz, infarkt və insultun qarşısının alınmasına kömək edir. Möcüzəli iksirin hazırlanması və qəbulu qaydası belədir:
1. Hərəsindən 100 q olmaqla çobanyastığı, dazıotu, solmazçiçəyi və ağcaqayın qönçələri qarışdırılır (bəzən üyüdülür) və quru yerdə saxlanılır.
2. Məlhəmin bir hissəsini hazırlamaq üçün 1 xörək qaşığı qarışıq 2 stəkan (0,5 litr) qaynar suda 20–30 dəqiqə dəmlənir. Dəmləmə üçün termos məsləhətdir.
3.Qarışığı tənzifdən süzüb, qəbul etməzdən əvvəl 1 çay qaşığı bal əlavə edilir.
4.Hazırlanmış dəmləmə bitənə qədər səhər və yatmazdan əvvəl 1 stəkan içilir.
Sonra 2 ay fasilə verib prosedura yenidən başlamaq lazımdır.
Zərifə HÜSEYNLİ, “Xalq qəzeti”