Yuxudan oyadanlar: Bir zamanlar zəngli saatlar mövcud deyildi. Vaxtında oyanmaq istəyənlər xüsusi adamlara ödəniş edirdilər ki, səhərlər onları tez oyatsın. Onlar da aldıqları pulun müqabilində tezdən gələr, qapı-pəncərəni döyər və ya uca səslə səslənərdilər.
Buzçular: Soyuducunun hələ kəşf olunmadığı dövrdə sərinləmək və məhsulların xarab olmaması üçün buz lazım olurdu. Bunun üçün buzçular fəaliyyət göstərirdi. Onlar sifariş olunan ünvana buz çatdırardılar. Lakin bu heç də hər kəs üçün əlçatan olmurdu.
Telefon operatorları: Əvvəllər istədiyimiz yerə zəng etmək, kiminləsə telefon əlaqəsi qurmaq üçün əlaqələndirici şəxs yox idi. Bunu yalnız telefon operatorları sayəsində etmək mümkün idi. Bu peşə zamanında xanımlar üçün ən hörmətli iş hesab olunur, onları nəvazişlə “telefonçu qız” adlandırırdılar.
Oxucular: Fabrik və zavodlarda fəhlələrin daha yaxşı işləməsi, hadisələrdən məlumatlı olmaları üçün xüsusi işçilər ayrılırdı. Həmin işçilər işləyənlərin ətrafda baş verən olaylardan xəbər tutmaları üçün onlara hər gün qəzet, jurnal və ya kitab oxuyardılar.
F. SALMANOVA, “Xalq qəzeti”
