Depressiya bu gün 300 milyondan çox insanı əhatə edir. Təbabətdə ciddi irəliləyişlərə baxmayaraq, yalnız 3 haldan birində bu bəladan sağalmaq mümkündür. Xəstəliyin geri dönmə şansı isə 50 faiz təşkil edir.
Alimlər qida və emosional vəziyyət arasındakı əlaqəni tədqiq edən 41 araşdırma ilə öyrəniblər ki, stresli insanlar əlüstü hazırlanan xörəklər yedikdə daha çox depressiyaya düşürlər. İnsan nə qədər düzgün, sağlam qidalanırsa depressiya ilə xəstələnmə riski bir o qədər az olur.
Aralıq dənizi pəhrizinə mümkün qədər yaxın olan insanların depressiyaya düşmə ehtimalı daha azdır. Bu pəhriz çoxlu təzə meyvə, tərəvəz, kartof, lobya, qoz-fındıq və toxum yeməkdən ibarətdir. Süd məhsulları da yüksək qiymətləndirilib, balıq, ət və qırmızı şərab normada istifadə olunur.
Sübut olunub ki, Aralıq dənizi ətrafında yaşayan əhalinin ənənəvi mətbəxi ürək-damar xəstəlikləri riskini 33 faiz, xərçəng riskini isə 24 faiz azaldır.
Z.HÜSEYNLİ, “Xalq qəzeti”
