Şimali Kipr Türk Respublikası uşaqları üçün Heydər Əliyev Beynəlxalq Mədəniyyət Mərkəzi və Azərbaycan–Kipr Dostluq Cəmiyyətinin Alsancak qəsəbəsi Azadlıq Milli Parkında birgə təşkil etdiyi ilk elm festivalı “BİLİMFEST”in təntənəli açılışı olub.
“Bilim Türkiyə” ilə əməkdaşlıq şəraitində Azərbaycanın Ümummilli lideri Heydər Əliyevin anadan olmasının və Türkiyə Cümhuriyyətinin qurulmasının 100 illiyinə həsr olunmuş festival böyük maraqla qarşılanıb. Şimali Kiprin avtomobil markası “GÜNSEL”in festivala qatılması aksiyaya əlavə təntənə gətirib.
Uşaqların elmə marağını artırmaq, maraq hissini inkişaf etdirmək və elmi düşünmə bacarıqlarını dəstəkləmək məqsədi ilə təşkil edilən “BİLİMFEST”in açılışında Şimalı Kipr Türk Cümhuriyyətinin Prezidenti Ərsin Tatar və Məclisin sədri Zorlu Törə, digər rəsmilər və nüfuzlu şəxslər iştirak ediblər. Sonra “BİLİMFEST” tədbirləri Laptada beynəlxalq Heydər Əliyev Mədəniyyət Mərkəzində davam edib, uşaqlar elmi çadırlarla, texnoloji stendlərlə və mobil elmi yeniliklərlə tanış olublar.
Professor İrfan Suat Günsel deyib:
– Heydər Əliyev Beynəlxalq Mədəniyyət Mərkəzi və Azərbaycan–Kipr Dostluq Cəmiyyətinin kiprli uşaqların elmə marağının artırılması məqsədilə təşkil edildiyi “BİLİMFEST” elm festivalı uşaqlarımızı elmi bilikləri, texnoloji yenilikləri mənimsəməyə ruhlandırır. Türkiyə, Azərbaycan və Şimali Kipr Türk Cümhuriyyətinin bayraqlarının yan-yana dalğalandığı bu təntənənin Azərbaycanın əfsanəvi lideri Heydər Əliyevin anadan olmasının və Türkiyə Cümhuriyyətinin yaranmasının 100 illiyinə həsr olunması festivalın önəmini daha da artırır. “GÜNSEL” milli avtomobilinin serial istehsala hazırlığı davam etdirilməsi isə uşaqlarımızda hədsiz iftixar hissi doğurur.
“Xalq qəzeti”
