Dövlət Sosial Müdafiə Fondunun (DSMF) gəlirləri bu ilin 5 ayında proqnozla müqayisədə 7 faiz və ya 168 milyon manat çox olmaqla 2 milyard 686 milyon manat təşkil edib. Bu barədə fonddan aldığımız məlumatda bildirilir. 

Fondun gəlirləri tərkibində məcburi dövlət sosial sığorta daxilolmaları yan­var–may aylarında proqnoza nisbətən 9 faiz və ya 168 mil­yon manat artaraq 2 milyard 70 milyon manat olub.

Qeyd olunur ki, son 5 ayda DSMF-nin xərcləri 2 milyard 506 milyon manat təşkil edib ki, bu da ötən ilin mü­vafiq dövrünə nis­bətən 15 faiz və ya 328 milyon manat çoxdur.

Həmçinin bidirilir ki, fond tərəfindən iyunun 9-da Bakı və Sumqayıt şəhər­ləri, eləcə də, Abşeron rayonu üzrə iyun ayının pensiyaları ödənilib. Yaxın günlərdə digər bölgələr üzrə bu ayın pensiyaları, həmçinin güzəştli şərtlərlə pensiya hüququna malik şəxslərin pen­siyaları da ödəniləcək.

Xəbərdə qeyd olunur ki, may ayı­nadək pensiya ödənişlərinə ötən ilin müvafiq dövrünə nisbətən 16 faiz çox olmaqla 2 milyard 366 milyon manat vəsait yönəldilib. Pensiyaların orta ay­lıq məbləği 18 faiz artaraq 433 manata, yaşa görə pensiyaların orta aylıq məb­ləği 17 faiz artaraq 466 manata çatıb.

Bu ilin yanvar–may ayları ərzində 15 min 700, elektron pensiya təyinatı­na başlandığı 2019-cu ilin əvvəlindən isə 87 min 100 pensiya təyinatı e-sis­tem üzərindən proaktiv qaydada həya­ta keçirilib.

Z.HÜSEYNOVA, “Xalq qəzeti”