Su orqanizmin həyati funksiyalarını qorumaq üçün lazımdır, lakin bəzən düzgün içilmədikdə zərər verə bilər. Qastroenteroloqların fikrincə, su olmadan insan orqanizmi düzgün fəaliyyət göstərə bilməz.
Bu gün suyun mədə şirəsini azaltması və həzmə zərər verməsi ilə bağlı elmi təsdiqlənmiş sübut yoxdur. Buna görə də, prinsipcə, yemək yeyən zaman su içmək olar. Ancaq iki şərtə əməl edilməlidir: artıq yeməyi çeynəmisiniz və udmusunuz; suyun həcmi yediyinizin üçdə birindən çox deyil.
Birdəfəyə çox su içməyin. Belə vərdiş mədənin uzanmasına və sonradan həddindən artıq yeməyə və piylənməyə səbəb ola bilər. Əslində, yeməkdən yarım saat sonra su içmək lazımdır. Quru yeməklərlə meyvə şirəsi, şirin çay və ya digər dadlı, qazlı sular içmək olmaz.
Z.HÜSEYNOVA, “Xalq qəzeti”
