Heyvanlarla danışa bilmək elmdə fantastika ola bilər! Yoxsa, bu, yaxın gələcəyin reallığıdır? Süni intellekt bu mövzuda bizi ümidləndirməyə davam edir.

Elm adamları bu yaxınlarda şim­panzelərin öz dillərinə sahib olduqla­rını və ünsiyyət qura bildiklərini kəşf ediblər. Bir gün ev heyvanımızla əsl söhbət edə bilsək və ya onların fi­kirlərini anlaya bilsək, nə baş verər? Cavab isə çox sadədir –heyvanlarla danışmağımıza imkan verən süni in­tellekt yarana bilər.

Bu sizə film ssenarisi kimi görünə bilər. Lakin bunun sayəsində heyvan­larla necə ünsiyyət qurmağımız üçün yeni qapılar açıla bilər. Belə ki, bu əsas dil modelləri kimi istifadə edilən süni intellekt modelləridir. Bu modellər insan dilini anlamağı və şərh etməyi hədəfləyir. 

Əsas məqsəd ondan ibarətdir ki, insan dilini daha asan qavranılan et­dikcə, heyvanlar eyni anlama səviyyə­sindən istifadə edərək sözləri və cüm­lələri deşifrə edə bilsinlər. Belə olan halda insanlarla heyvanlar arasında ünsiyyəti artırmaq mümkün olacaq.

Alimlər arasında süni intellektin bəşəriyyətə təhlükə yarada biləcəyi­ni düşünənlər də var. Bununla belə, qeyd edirlər ki, heyvanlarla danışmaq üçün süni intellektdən istifadə ideyası, çox həyəcanverici ola bilər. Süni intel­lekt vasitəsilə bir heyvanla ünsiyyət qurmaq onu anlamaq demək deyil. Bu tip tədqiqatın tətbiqi üçün hələ çox uzun bir yol var. Uzun və eyni zaman­da da maraqlı…

Səadət RZAYEVA, “Xalq qəzeti”