Gəncədə ümummilli lider Heydər Əliyevin anadan olmasının 100 illiyi münasibətilə şəhər icra hakiiyyətinin təşkilatçılığı ilə keçirilən möhtəşəm konserti 50 min nəfərdən artıq insan izləyib.

Heydər Əliyev “Park-Xiyaban” Kompleksindəki “Zəfər Tağın”nın önün­də təşkil edilən çal-çağırda şəhər icra hakimiyyətinin başçısı Niyazi Bayramov, Milli Məclisin deputatları, idarə, müəs­sisə, təşkilat rəhbərləri, xarici qonaqlar, şəhər sakinləri iştirak ediblər. Şənlikdən əvvəl yubiley şərəfinə veloyürüş keçi­rilib. Sonra iştirakçılar ulu öndərə həsr edilmiş əl işləri və rəsm əsərlərindən ibarət sərgi ilə tanış olublar.

Konsert proqramında Gəncə Dövlət Filarmoniyasının ifaçıları – Xalq artisti Şahnaz Haşımova, Əməkdar mədəniy­yət işçisi Mehparə Cəfərova, solistlər Vasif Bayramov, İlham Qasımov, Röv­şən Məmmədov, Rüstəm Cəfərov ulu öndər Heydər Əliyevə, onun xalqımıza töhfəsi və əmanəti olan müstəqil Azər­baycana həsr olunan vətənpərvər ruhlu mahnılar ifa ediblər. Gəncə Dövlət Fi­larmoniyasının “Göygöl” Dövlət Mahnı və Rəqs ansamblının, həmçinin “Xəm­sə” uşaq rəqs ansamblının təqdim etdiyi rəqslər tamaşaçılar tərəfindən maraqla qarşılanıb.

Türkiyədən dəvət edilmiş məşhur müğənni Rafet El Roman yubiley kon­sertində Gəncə sakinləri üçün öz reper­tuarında yer alan sevilən mahnılarını ifa edib. Türkiyəli müğənni konsertin sonunda ulu öndərə həsr olunmuş əzəmətli “Sən elə bir zirvəsən” mah­nısını təqdim edib. Mahnının sədaları altında səhnədə quraşdırılmış ekranda ümummili lider Heydər Əliyevin həyat yoluna həsr olunan videoçarx nümayiş etdirilib.

Müsiqili şənlik möhtəşəm atəşfəşan­lıqla yekunlaşıb.

Hamlet QASIMOV,
“Xalq qəzeti”nin bölgə müxbiri

Gəncə