- Mən həmişə fəxr etmişəm, bu gün də fəxr edirəm ki, mən azərbaycanlıyam!

- Vətənə, millətimə, xalqıma məhəbbət, müstəqil Azər­baycan dövlətinə, Azərbaycan Respublikasına hədsiz məhəb­bət mənim həyatımın mənasıdır, məzmunudur. 

- Mənim həyatımın məqsədi Azərbaycandır, Azərbay­can xalqıdır, Azərbaycan Respublikasıdır, Azərbaycan vətən­daşıdır.

- Demişəm və indi də deyirəm: həyatımın bundan son­rakı hissəsini xalqa bağışlamışam.

- Mən həyatımın mənasını xalqıma xidmətdə görürəm. Azərbaycan mənim həyatımın mənasıdır.

- Mən müstəqil Azərbaycanın dövlətçiliyini, suveren­liyini, bütövlüyünü qorumaq üçün həyatımı qurban verməyə hazıram. 

- Bizim müstəqilliyimizin bu günü və gələcəyi Azərbay­can xalqının birliyindən, Azərbaycan xalqının həmrəyliyindən, Azərbaycan xalqının öz müstəqilliyini qorumaq əzmindən ası­lıdır. 

- Xalqımız üçün qürur hissini yaradan, iftixar hissini verən odur ki, o, artıq azad yaşayır, öz taleyinin sahibidir və Azərbaycan xalqının dünya xalqları içərisində imzası var.

- Mənim ən böyük qüvvəm, gücüm, ən böyük silahım xalqın mənə göstərdiyi etimaddır, etibardır və xalqın dayağı­dır.

- Mən inanıram, əminəm ki, biz müstəqilliyinin geniş yoluna çıxacağıq və Azərbaycan müstəqil dövlət kimi yaşaya­caq, Azərbaycanın dövlət müstəqilliyi əbədi, dönməz olacaq və bizim müstəqilliyimizi, milli azadlığımızı heç kəs heç bir yolla sarsıda bilməyəcəkdir.