Şəhər icra hakimiyyəti başçısının tapşırığına uyğun olaraq, Mənzil-Kommunal Təsərrüfatı İstehsalat Birliyi (MKTİB) ulu öndər Heydər Əliyevin və görkəmli alim-oftolmoloq, akademik Zərifə xanım Əliyevanın 100 illik yubileyləri münasibətilə ağacəkmə aksiyası keçirib.
Azərbaycan Bayrağı küçəsində təşkil edilən aksiyada Gəncə Şəhər İcra Hakimiyyətinin başçısı Niyazi Bayramov, aparatın məsul işçiləri, mənzil- kommunal təsərrüfatı istehsalat birliyinin əməkdaşları iştirak ediblər. Burada yerli iqlim şəraitinə uyğunlaşdırılmış 200 sərv ağacı əkilib, onlara xüsusi aqrotexniki qulluq göstərilib, suvarılması təmin edilib. Qeyd edək ki, əkilən ağac tingləri MKTİB-nin yaşıllaşdırma şöbəsinin gülçülük sahəsində yetişdirilib.
Eyni zamanda, həmin əraziyə gülçülük sahəsində becərilən mövsümü gül kolları də əkilib.
Hamlet QASIMOV,
“Xalq qəzeti”nin bölgə müxbiri
.jpeg)