Gəncə şəhərində Kiçik və Orta Biznesin İnkişafı Agentliyi tərəfin­dən KOB Evi inşa edilir. Sahəsi 2183 kvadratmetr təşkil edən bu bina iki mərtəbədən və zirzəmi­dən ibarət olacaq. 

Burada 70 xidmət masası quraşdı­rılacaq və Gəncə–Daşkəsən iqtisadi ra­yonundan olan sahibkarlıq subyektlərinə İqtisadiyyat Nazirliyi və onun qurumları, Kənd Təsərrüfatı Nazirliyi, Dövlət Göm­rük Komitəsi, Qida Təhlükəsizliyi Agent­liyi, “Azəriqaz” İstehsalat Birliyi, “Azərsu” və “Azərişıq” açıq səhmdar cəmiyyətləri, habelə digər qurumlar tərəfindən 150- yə yaxın dövlət-biznes xidmətləri göstərilə­cək. Eyni zamanda bank, sığorta, lizinq, broker kimi özəl təşkilatların da zəru­ri biznes xidmətlərindən yararlanmaq mümkün olacaq. “Gəncə KOB Evi”nin 2023-cü ilin sonunda fəaliyyətə başlama­sı nəzərdə tutulub.

Qeyd edək ki, kiçik və orta biznes evləri sahibkarlıq subyektlərinə dövlət və özəl qurumlar tərəfindən göstərilən xid­mətlərin vahid məkanda və əlaqələndi­rilmiş formada təqdim olunduğu Kiçik və Orta Biznesin İnkişafı Agentliyinin struk­tur bölmələridir. KOB evlərinin məqsədi sahibkarlıq subyektlərinə operativlik, şəf­faflıq, nəzakətlilik, məsuliyyət və rahatlıq prinsiplərinə uyğun olaraq, vahid məkan­da, əlaqələndirilmiş formada, yeni üslub­da müasir innovasiyaları tətbiq etməklə, dövlət-biznes (G2B) və biznes-biznes (B2B) xidmətlərinin göstərilməsi, hər bir xidmətin sahibkar məmnunluğu təmin edilməklə, qanunauyğun, keyfiyyətli və şəffaf həyata keçirilməsidir. 

KOB evlərində xidmətlərin opera­tiv və bir məkanda təqdim olunması sahibkarların vaxta və əməliyyat xərc­lərinə əhəmiyyətli dərəcədə qənaət etmələrinə və daha çox biznesin inkişa­fı məsələlərinə fokuslanmalarına imkan verir.

Hamlet QASIMOV,
“Xalq qəzeti”nin bölgə müxbiri