İstər qadın, istərsə kişi enerjisi olsun, bunların arasında balans yaratmaq həyatda “tarazlığı” tapmaq üçün çox vacib amillərdəndir. Əgər siz bunun çatışmazlığını hiss edirsinizsə və enerjinizi artırmaq istəyirsinizsə, oxuyun!

Cinsindən asılı olmayaraq, hamımız­da kişi və qadın enerjiləri var. Bu enerjilər bəzən tarazlıq nöqtəsindən uzaqlaşır və onlardan birinin daha dominant olduğu bir nöqtədə dayanır. Əsas məqsəd orta yolu tapmaq olsa da, bəzən kişi enerjisi daha az, qadın enerjisi isə daha dominant ola bilir. Bəs, bu halda kişi enerjinizi necə ar­tıra bilərsiniz?

Enerji nədir?

Güclü tərəfləri – iradə, aydınlıq və diqqət olan bir enerji növü əslində kişi enerjisidir. Məntiq və analitik düşüncə kimi xüsusiyyətlər kişilərə xasdır. Qay­dalar qurmağı sevən bu enerjiyə sahib insanlar, məntiqlərini necə işlətmək möv­zusunda daha strateji düşünürlər və bu qaydalar çərçivəsində daha sərt münasi­bət sərgiləyirlər.

Enerjinin əskik olduğunu başa düşdü­yünüz zaman bu üsullara əməl edə bilər­siniz. Burada çalışmaq, işləmək və uğur qazanmaq üçün hədəflərin qoyulması nəzərə çarpır:

Qətiyyətli olun

İş həyatınızdan tutmuş şəxsi həya­tınıza qədər bəzi məsələlərdə qərarsız ola bilərsiniz. Qərar verməkdən qorxma­yın. Bir mövzuda bunun doğru olduğuna inanırsınızsa, çəkinməyin və fikrinizi söy­ləməkdə davam edin.

İşə keçin

Qəbul etdiyiniz qərarları həyata ke­çirməkdən qorxmayın. Qərar verdiyiniz hərəkətləri yerinə yetirərkən konsentra­siya problemi ilə üzləşə bilərsiniz. Bunun üçün meditasiya və nəfəs məşqlərindən istifadə edə bilərsiniz.

Özünüzə güvənin

Qərarlarınızı daim sorğu-sual etdiyiniz zaman özünüzə olan inamın azaldığını görmüsünüzmü? Özünüzü olduğunuz kimi qəbul edin, qərar verin və hərəkətə keçmək üçün ən vacib addımları atın.

Yollar axtarın

Məntiq və analitik təfəkkürünüzdən istifadə edərək problemlərinizin öhdəsin­dən gələ bilərsiniz. Sizə verilən tapşırıqlar üzərində uzun-uzadı düşünmək əvəzinə, onları necə həyata keçirə biləcəyinizi və onları ən rahat şəkildə necə aradan qaldı­racağınızı düşünün.

Sevincinizi paylaşın 

Təkliflər irəli sürməkdən, insanları xoşbəxt etməkdən və fikir bildirməkdən qorxmayın. Bütün bunları edərkən özü­nüzə daha çox güvəndiyinizi anlayacaq­sınız. İnsanlara güclü və bacarıqlarınızı göstərməkdən çəkinməyin.

Nizamla yaşayın

Həyatınızın hər sahəsində qaydalara sahib olun və bu qaydalar çərçivəsində hüdudlarınızı təyin edin. Söhbət bu sər­hədlərin divar kimi olmasından getmir, sizin həyatınızın axarını asanlaşdıracaq sərhədlər olmalıdır. Rutinlərinizi pozma­yın və nizamlı yaşamağa çalışın.

Əziz oxucu! Bütün bu sadalananlara əməl etdiyiniz zaman, əslində, xoşbəxt olmaq üçün çox şeyə ehtiyacınızın olma­dığını anlayacaqsınız. Kiçik sevinclər belə sizə özünüzü güvəndə hiss etməyinizə yetəcək…

Səadət RZAYEVA, “Xalq qəzeti”