Pentaqonun Müdafiə üzrə Qabaqcıl Tədqiqat Layihələri Agentliyi (DARPA) “avtonom müharibə planlaşdırma sistemi” hazırlamaq üçün “BAE Systems” şirkəti ilə müqavilə imzaladığını açıqlayıb.
Avtonom müharibə planlaşdırma sistemi heç bir insan müdaxiləsinə ehtiyac olmadan hədəfləri seçmək və hücum etmək üçün robotlar, Süni Zəka (SZ) və robot texnologiyasından istifadə edən yüksək texnologiyalı sistemdir.
Verilən məlumata görə, DARPA və “BAE Systems” arasında başladılan proqram bu məqsədə uyğun olaraq maşınla yaradılan döyüş strategiyalarını inkişaf etdirməyi hədəfləyir. “BAE Systems”dən verilən məlumata görə, üç illik iş proqramı müəyyən edilən layihənin ilk iki mərhələsi maşın öyrənmə sistemi üzərində həyata keçiriləcək.
“Xalq qəzeti”