Xəbər verildiyi kimi, “Respublika Xatirə Kitabı” redaksiyasının baş redaktoru Nəzakət Məmmədova ötən günlərdə dövlət başçısının sərəncamı ilə “Tərəqqi” medalı ilə təltif olunub. Həmkarımız yaradıcı əməyinə verilən yüksək qiymətlə bağlı bildirdi:

– “Respublika Xatirə Kitabı” redak­siyasına başçılıq etmək olduqca məsul və şərəfli bir fəaliyyətdir. Torpaqlarımı­zın müdafiəsi uğrunda canından keç­miş Vətən övladlarının adlarının ölkə­mizin şərəf tarixinə həkk edilməsi yeni nəsillərin vətənpərvərlik tərbiyəsi işin­də qiymətli bir mənbəyə çevrilir. Müzəf­fər Ali Baş Komandan İlham Əliyevin rəhbərliyi ilə Vətən müharibəsində qazanılan tarixi Zəfər Xatirə Kitabının yeni qızıl səhifələrini təşkil edir. Biz bu işi yüksək peşəkarlıqla gerçəkləşdir­məyə çalışırıq.

Mənim dövlət təltifinə layiq görül­məyim ölkə Prezidentinin redaksiya­mızın fəaliyyətinə verdiyi yüksək qiy­mətdir. Vətənimə, xalqıma, dövlətimə sədaqətli xidmətimə görə “Tərəqqi” medalı ilə təltif edilməyimə görə möh­tərəm Prezidentimiz İlham Əliyevə də­rin minnətdarlığımı bildirirəm. Dövlət başçısının bu qiyməti əlavə ruh və güc gətirməklə məni daha səmərəli çalış­mağa həvəsləndirir. Ordumuzun zabiti olan oğlum Ramil Səfərlinin “Rəşadət” ordeni ilə təltif edilməsi isə məni ikiqat sevindirdi, bir ana kimi qürurlandırdı. Bir ailə ilə bağlı bu 2 təltif onu göstə­rir ki, ölkəmizdə Vətən naminə xidmət nəzərdən qaçmır, yüksək qiymətini alır.

Şəhid və itkin düşmüş vətəndaş­larımızın xatirəsini əbədiləşdirmək işini bundan sonra da layiqincə yerinə yetirəcəklərini söyləyən Nə­zakət xanım açıqlamasını bu sözlər­lə bitirdi: “Vətən müharibəsi şəhidləri­nin xatirəsini əbədiləşdirmək üçün də redaksiyamız yorulmadan çalışır. Ulu öndərimiz Heydər Əliyevin təsis etdi­yi Respublika Xatirə Kitabı xalqımızın igid oğullarının adlarını və hünərini əbədiləşdirməklə iftixar ünvanlarımız­dan birinə çevirmişdir”.

Hazırladı: R.TAHİR, “Xalq qəzeti”