“SOCAR-Türkiyə”yə böhtan atanların qəsdi Azərbaycan–Türkiyə qardaşlığına kölgə salmaqdır

Anti–Azərbaycan cəbhəsində birləşmiş qaragüruhun növbəti cəhdinin də, əvvəl­kilər kimi, iflasa uğrayacağı indidən gün kimi aydındır. Birincisi, ona görə ki, dün­yada yüz illərin sınağından çıxaraq monolitləşmiş Türkiyə–Azərbaycan qardaşlı­ğını sarsıtmağa qadir güc və ya güclər mövcud deyil. İkincisi isə Azərbaycanın “SOCAR–Türkiyə” şirkəti vasitəsilə İsrailə xam neft satması barədə iddialar heç bir əsasa söykənməyən dezinformasiya və yalandır. Bölgədə enerji daşıyıcılarının həm istehsalçıları, həm də istehlakçıları çox yaxşı bilirlər ki, SOCAR İsrailə neft satmır. 

Sadəcə olaraq, Azərbaycanın bölgə­də artan nüfuzunu, əldə etdiyi uğurlarını qısqanan, iki qardaş ölkə arasında getdik­cə daha da güclənən münasibətlərə ləkə salmaq istəyən bədxahlarıımızın düşün­dükləri “ssenariyə” əsasən, bu dəfə hədəf “SOCAR–Türkiyə” şirkəti seçilib. Kənar­dan idarə olunan bəzi təxribatçı qruplar şirkətin İsrail hökuməti ilə, guya, xam neft üzrə ticarət sövdələşməsinin olduğu barə­də həqiqətdən uzaq ittihamlar irəli sürərək sosial media üzərindən feyk paylaşımlar edirlər. 

Dünənki düşmənlər bu gün bir səngərdə? 

Yaranmış vəziyyətlə bağlı yaydığı açıqlamasında “SOCAR–Türkiyə” şirkə­ti İstanbuldakı mərkəzi ofisə 12 mart, 29 may, 31 may və 2 iyun tarixlərində, Bur­sadakı “Bursaqaz” ofisinin binasına qarşı həyata keçirilən və getdikcə şiddətlənən təxribatların davam etməsinin əməkdaşla­rın həyatı üçün təhlükə yaratdığını ictima­iyyətin diqqətinə çatdlırıb. Şirkətin Türkiyə və Azərbaycan xalqının ortaq maraqları və rifahı naminə fəaliyyətini davam et­dirəcəyi bildirilən bəyanatında “SOCAR Türkiyə” olaraq iki ölkə arasında güclü qardaşlıq və dostluq bağlarının, strateji müttəfiqlik və xalqlarımızın qarşılıqlı ma­raqlarının uyğun şəkildə formalaşacağına inam ifadə olunur. 

“Türkiyədə fəaliyyətə başladığımız 16 il ərzində təxminən 18,3 milyard ABŞ dolları həcmində olan sərmayə ilə fərqli şəhərlərdə beş min altı yüz birbaşa, on mindən çox bilavasitə işçi ilə neft və tə­bii qaz sahəsində fəaliyyət göstərən qrup şirkətlərimiz və həyata keçirdiyimiz “Star” NEZ, TANAP kimi strateji meqalayihələrlə Türkiyənin ən böyük xarici investoru və ən böyük inteqrasiya olunmuş sənaye qrupu­yuq”, – “SOCAR–Türkiyə” şirkətinin bəya­natında deyilir.

“SOCAR”ın İstanbuldakı ofisinə hü­cum edənlərin dərdi Fələstin deyil. Bu, danılmaz bir həqiqətdir ki, Azərbaycanın əldə etdiyi uğurlar təkcə okeanın o tayın­dakı bəlli gücləri deyil, elə bəzi qonşuları­mızı da narahat edir. Uğurlarımız hər iki tərəfdəki bədxahlarımızın yuxusunu ərşə çəkir. Həmin qara qüvvələr Azərbayca­na vahid cəbhədən hücum etməkdən də çəkinmirlər”. Məsələ ilə bağlı “Report”a açıqlama verən Milli Məclisin deputatı Vüqar İskəndərovun sözlərinə görə, ma­yın 31-də və iyunun 2-də bir qrup Fələs­tin tərəfdarının Azərbaycan Dövlət Neft Şirkətinin (SOCAR) İstanbuldakı ofisinin qarşısında bu ölkənin İsrailə neft sat­masına etiraz olaraq keçirdiyi aksiyanın məqsədi Azərbaycan–Türkiyə qardaşlığı­nın nümunəsi olan SOCAR-ı və bütövlük­də, qardaş Azərbaycanı Türkiyə ictimai rə­yində ləkələmək və nüfuzdan salmaqdır.

Deputat bu məsələdə başqa bir reallı­ğın da üzə çıxdığını vurğuladı: “Maraqlıdır ki, başqa vaxtı bir-birinə qənim kəsilən, bir-birini cinə, terrorçuya bənzədən güclər, hətta ölkələr Azərbaycana hücum məsələ­sində dost-qardaş olur, eyni cəbhədə ad­dım atırlar. Türkiyədə kök salmış və xa­ricdən dəstəklənən qruplaşmalar əsassız iddialarla cəmiyyəti aldadır və çirkin aksi­yalar keçirirlər. Okeanın o tayından idarə edilən media resursları isə bu aksiyanı can-başla tirajlayırlar. Halbuki hətta bu ak­siyada iddia edilənlər əsaslı olsaydı belə, okeanın o tayındakılar müttəfiqləri olan İsraili dəstəkləməli, bu aksiyanı tirajlama­malıydılar. Ancaq biz bunun əksini görü­rük. Səbəb aydındır. Söhbət Azərbaycana qarşı hücumlardan gedəndə dünənə kimi bir-birini ittiham edənlər bu gün eyni cə­bhədən boylanırlar”.

SOCAR-ın İstanbul ofisinə basqının təşkilatlatçıları və qardaş ölkədə Azər­baycana qarşı düşmənçiliyin yayılmasına çalışan bir qrup şəxsin adları məlum olub. Türkiyə elektron mediasının yaydığı xə­bərlərdə deyilir ki, həmin şəxslər Əhməd Furkan Polatkan, Məhəmməd Acar və Ru­ken Arslandır.

Saxta “müsəlman təəssübkeşliyi”

Əlbəttə, dini hisslərlə oynamaq, ona istinadla ictimai rəylə manipulyasiya et­mək təzə üsul deyil. Xüsusilə, Yaxın Şərq kimi həssas bir bölgədə bu amildən yarar­lanmağa çalışanların riyakarlığı göz qa­bağındadır. “Hədəfə çatmaq üçün bütün vasitələrin məqbul olduğunu” arsenalına daxil edən anti–Azərbaycan, anti–Türkiyə, mahiyyəti etibarilə, anti–İslami qüvvələrin növbəti cəhdləri də fiaskoya uğrayacaq. 

Qərbi Kaspi Universitetinin profes­soru, politoloq Fikrət Sadıxov mövzu ilə bağlı “XQ”-yə verdiyi açıqlamasında qeyd etdi ki, SOCAR-ın İstanbul ofisinə hücum aksiyası xaricdən idarə olunan proses­dir: “Bu “etiraz”ın təşkilatçılarının başlıca məqsədi Azərbaycan–Türkiyə münasibət­lərinə xələl gətirmək, həm də İslam ölkəsi olaraq bizi müsəlman dünyasında gözdən salmaqdır. Əslində, bu çirkin ssenarinin müəllifləri dərk etmirlər ki, Azərbaycanın neft və qazı heç də İsrailə göndərilmir. Bakı özünün enerji daşıyıcılarını treyder­lərə, yəni ortadakı vasitəçilərə satır. Artıq xammalın, yaxud emal olunmuş məhsu­lun müxtəlif ölkələrə paylanması onların funksiyasına daxildir. Bu elementar ticari prosesi bədxahlarımız ya başa düşmürlər, ya da qəsdən belə təxribatlara əl atırlar. Sağlam düşüncəli insanların hamısı yaxşı anlayır ki, bu etirazlar müəyyən ssenari­nin tərkib hissəsidir. Deməli, Fələstinin bəhanə gətirildiyi məlum etirazlar, “müsəl­man təəssübkeşləri”nin mediada qopar­dıqları haray–həşir heç bir fakta söykən­mir və həqiqətdən uzaqdır”.

Tanınmış politoloq bir məsələni də xü­susi olaraq vurğuladı ki, Azərbaycan Təl–Əvivdə səfirliyini açanda, bununla paralel olaraq Fələstin muxtariyyatının Ramal­lah şəhərində də özünün diplomatik nü­mayəndəliyini təsis edib: “Yəni hamı bilir ki, Azərbaycan Fələstin xalqının maraqla­rını başa düşür və həmişə onun yanında olub”. 

“Enerjisi” tükənənlərin son cəhdləri

Yazının əvvəlində qeyd etdiyimiz kimi, bu çirkin hücumu təşkil edənlərin, planlaş­dıranların və icraçılarının əsas məqsədi Fələstinə dəstək deyil, Türkiyə-Azərbay­can strateji müttəfiqliyinə kölgə salmaqdır. Əgər söhbətin vurğusu neft satışı üzərin­dədirsə, sözümüzə onu da əlavə edək ki, hazırda bir neçə ərəb dövləti enerji sahə­sində İsraillə yaxından əməkdaşlıq edir. Amma təxribatçı qüvvələr nədənsə həmin ölkələrin adlarını hallandırmır. 

Fələstin xalqına dəstəyə gəldikdə isə Azərbaycan hakimiyyəti bu məsələdə öz mövqeyini birmənalı şəkildə ortaya qoyub. Rəsmi Bakı Qəzzada silahlı qarşıdurma­nın, qan tökülməsinin, dinc insanların öl­dürülməsinin əleyhinə olduğunu dəfələrlə bəyan edib. Yaxın Şərq böhranında Fələs­tinin dövlət kimi tanınması üçün konkret mövqe nümayiş etdirən Türkiyə bununla bağlı dünyaya çağırışlar edən və ən cid­di addımları atan ölkə sayılır. Məhz bu kontekstdən yanaşanda kənardan idarə olunan qüvvələrin “müsəlman həmrəyliyi” donu geyindirməyə çalışdıqları təxribat cəhdi “ürək bulandırmaq” niyyətindən o yana keçə bilməz. Hamar divara palçıq yapışmadığı kimi, Azərbaycana qarşı da anti–müsəlman böhtanları kimi ehkamlar keçməyəcək. 

Bəli, SOCAR-ın böyük investisiyalar yatırdığı ölkələrin sırasında, təbii olaraq, qardaş Türkiyə birinci yerdə gəlir. Həyata keçirdiyi beynəlxalq layihələrin həcminə görə dünyanın ən nüfuzlu şirkətlərinın ya­nında yer alan SOCAR qardaş Türkiyədə də geniş şəbəkəyə malikdir. Bu gün Azər­baycan–Türkiyə qardaşlığı, dostluğu özü­nün təsdiqini sözdə deyil, əməldə tapdığı üçün bütün dünyanın diqqət mərkəzin­dədir. Sadəcə olaraq, tərəfdaşlarımız bu uğurlu birliyə sevindikləri kimi, bədxahla­rımız da paxıllıqdan ona kölgə salmaqdan ötrü hər fürsətdən yararlanmağa çalışırlar. Fəqət onların bugünədək baş vurduqla­rı bütün cəhdlər heç bir fayda vermədiyi kimi, bu da havaya sovrulmuş pullar, hə­dər yerə işlənmiş enerji demək olacaq. Amma burada söhbət karbohidrogendən deyil, xarici enerjidən gedir... 

İmran BƏDİRXANLI
XQ