Erməni qadının fikrincə, Parisin məqsədi onun ölkəsini məhv etməkdir

Özünü Avropa lideri kimi aparmaqda davam edən bu ölkə hökm sürən indiki siyasi çaşqınlıq nədən yaranıb? Bu labirintə giriş haradan qaynaqlanır? 

İlk növbədə, Afrikada bu vaxtadək yaşatdığı müstəmləkəçilik süquta yaxın­laşır. “Qara qitə”nin xalqları və dövlətləri artıq Fransanın bəzi buxovlarından xilas olmaq istəmir. Afrika binəsiblərinin “Fran­sa, bizim ölkəmizdən rədd ol!” çağrışları gündən-günə daha israrla səsləndirilir. Bu, Fransanın düşdüyü labirintin ilk baş­lanğıcıdır.

İkinci, Avropada baş verən bəzi icti­mai-siyasi proseslər Parisin “planlarını” ciddi şəkildə pozur. Bu durum Fransa rəhbərliyinin “B” planının olmadığını üzə çıxarıb. Belə ki, Makron Fransası Alma­niyanın Avropa İttifaqında söz sahibinə çevrilməsini həzm edə bilmir və rəsmi Parisin işi burada da düyünə düşüb. 

Üçüncü, Ukraynaya çoxsaylı vəd­lər verərək onu çıxılmaz fəlakətə sürük­ləyənlərdən biri də Fransadır. İndi həmin öhdəliklərin reallaşmaması Makronun nüfuzunu dizdən də aşağı salıb.

Ukraynaya yardım vədinin arxasın­dan sakitcə qaçan Makron Ukraynaya səfərini 3-cüdəfə təxirə saldı. Bu onun öz imkanlarını düzgün qiymətləndirə bilməməsinin nəticəsi, qətiyyətsizliyinin və qorxaqlığının aşkar göstəricisi oldu. Bütün bunlar həm də indiki mürəkkəb şəraitdə Fransa kimi böyük bir dövlətə ki­fayət qədər yetkin olmayan, şəxsi maraq və istəklərini ölkə və xalq mənafeyindən üstün tutan, avantüralara asanlıqla uyan birisinin naşı rəhbərliyinin nəticəsidir. 

Dördüncü, Qoşulmama Hərəkatının lideri kimi Azərbaycanın təşəbbüsü ilə start verilən və bizim dəstəyimizlə dünya miqyasına çıxarılan “Neomüstəmləkəçi­liyə qarşı mübarizə” hərəkatı Makronun başını tamamilə itirməsinə gətirib çıxarıb. Buraya Ermənistanda üzləşdikləri uğur­suzluqları (“Dağlıq Qarabağ ermənilə­rinə humanitar yardım” adı ilə Xankən­diyə göndərilən silah və sursatlarla dolu “Spayka” karvanının yanacağı qurtarana qədər Laçının qarşı tərəfində gözlədilmə­si və onların kor-peşman gəldikləri yerə qayıtması Parisin, eləcə də Makronun növbəti rüsvayçılığı oldu. 

Fransa prezidentinin simasında Qərb­də lider böhranı da Avropanın siyasi ger­çəkliyindəki iflas məqamlarını əks etdirir. Cəsarəti, prinsipiallığı, qətiyyəti olmayan şəxslərin köhnə qitə ölkələinə rəhbərlik etməsi, onların dünya siyasətində lider kimi qəbul olunan nüfuzlu siyasətçilər­dən çəkinmələri, üçüncü ölkələrin müdrik və çevik rəhbərlərinə qarşı qısqanclıq göstərmələri də Makronun timsalında özünü aşkar biruzə verir. 

Emmanuel Makron kimisinin Qərb si­yasətində təlatümlər yaratması bu dövlət­lərin az-çox demokratik və ədalətli imicini sürətlə aşağılayır. Bunu həmin ölkələrin ictimai rəyi də vaxtaşırı etiraf vedir. Qərb ictimaiyyəti Azərbaycan Prezidenti, son illərdə Qoşulmama Hərəkatına müdrik­liklə və təşəbbüskarlıqla rəhbərlik edən, müstıqil siyasət apararaq öz xalqının mil­li maraqlarını həyata keçirən, beynəlxal arenada ölkəsinin mənafelərni qoruma­ğı bacaran İlham Əliyev kimi liderlərə həsədlə baxır, onlara qarşı qısqançlığın əsassız olduğunu getdikcə daha çox an­layır.

Əlavə edək ki, Türkiyə lideri Rəcəb Tayyib Ərdoğanın “BMT Təhlükəsizlik Şurasında islahatlar aparılması qaçıl­mazdır” çağırışları hegemon beşliyin digər üzvləri kimi Fransını da dərdə sa­lıb. Bir tərəfdən də dünya ekspertləri car çəkirlər ki, XXI əsr “Türk əsri”nə çevrilir. Belə olan halda Emmanuel Makronun onsuz da bəlalı olan başında ağıl qalar?! Nəticə isə göz qabağındadır. Paris rəh­bəri nəinki bais olduğu və düşdüyü labi­rintdən çıxa bilmir, tora düşmüş balıq kimi çapaladıqca bir az da dolaşığa düşür, getdikcə daha çox əsəbiləşir.

Nə isə, mən bu sətirlərin davamı ola­raq “Liberation”dan növbəti şərəfsizlik”, “Luqansklı məktəbli qız Makronu hərbi cani adlandırdı” və “Anna Martrosyan Parisi nədə ittiham etdi?” kimi ittihame­dici məqamları da diqqətə çatdırmaq istəyirəm. “İnoSMİ.ru”da oxuduğum bir material isə məni, sözün həqiqi mənasın­da, sarsıtdı. Çünki Emmanuel Makron və onun özü kimi ayıqlığını itirmiş qulbeçələ­ri elə bir kəmfürsətlik etdilər ki, bununla 60-dan çox məscidimizi dağıtmış Robert Koçaryan və Serj Sarkisyanı kölgədə qoydular.

“İnoSMİ.ru” saytı Türkiyənin “Ha­ber-7” agentliyinə istinadən yazır ki, on illərdən bəri təriflənən Qərb sivilizasi­yası “Qəzza sektoru Ramazanda” adlı dəhşətli və alçaldıcı karikatura yaymış­dır. Varlığı irqi ayrı-seçkiliklə yoğrulmuş, fransızların müsəlman dünyasında törət­dikləri dəhşətli soyqırımı və faciələrdən, guya, “xəbəri olmayan” Korinn Rey (Co­rinne Rey) adlı rəssamın karikaturasında təkcə aclıqdan əzab çəkən fələstinlilər təhqir olunmur. Karikaturada fələstinli ac kişinin yemək üçün siçanı tutmaq cəhdi qabardılır və bu zaman qadın ona deyir ki, dayan, iftar açılmamış yemək olmaz. 

Bu insanlığı alçaldan əsərdə İsla­mi dəyərlərə zərbə vurulmaqla yanaşı, müəllif özü də bilmədən, Qəzzada törə­dilənlərə görə İsraili ittiham edir. Əsas məqsəd isə Qəzza sakininin, guya, şəriət qanunlarına əməl etməməsini göstər­məkdir. “İnoSMİ.ru” yazır ki, əclaf Qərb yenə də öz simasını göstərdi. 

Başqa bir materialda oxudum ki, Luqanskdan olan məktəbli qız Faina Savenkova Fransa Prezidenti Emmanu­el Makrona yazdığı açıq məktubda onu müharibə cinayətkarı, hərbi cani adlan­dırır. “RİA Novosti” yazır ki, Fainanın məktubunda Ukraynaya silah və sursat göndərən Fransa və digər Qərb ölkələri milyonlarla insanın həyatını təhlükə altın­da qoyduğu göstərilir: “Biz məhz sizin gü­nahınız üzündən atəş altında yaşayırıq. Siz və digər Qərb ölkələri sonuncu ukray­nalının həlak olacağı günədək müharibə aparmaq istəyirsiniz. Ancaq, bütün bu qan-qada, fəlakət və ölümlər sizə bəs et­mir. Çünki siz yalançısınız. İnsan haqla­rı, ədalət və demokratiyadan danışaraq, xalqları Üçüncü Dünya müharibəsinin alovlarına doğru sürükləyirsiniz”. 

Bəli, Makron qlobal miqyaslı yalançı, siyasi fitnəkardır. Bunu hansısa məktəbli qız yox, bir neçə gün əvvəl Soçidə təsa­düfən görüşdüyüm bir erməni qadın da dedi. Adi mədəni-maarif işçisi olan bu qafqazlı qadınla salamlaşdım və onun erməni olduğunu eşidəndə tutuldum. Elə o da mənim azərbaycanlı olduğumu biləndə duruxdu. Mən cəsarət taparaq ona söylədim ki, bizim torpaqlarımızı iş­ğal edən və yurdlarımızı viranəyə çevirən erməni xalqı yox, erməni ideoloqları, si­yasətçiləri və onların xaricdəki havadar­ları olublar. Burada sadə xalqın günahı onların bu oyunda alət olmalarıdır.

Anna Martirosyan ad, soyadlı həmin qadın isə geridə qalanlar haqqında da­nışmaq istəməyərək İrəvanı başqa bir məsələdə qınadı: “Bu gün Ermənistan­da elə güman edirlər ki, Fransa onlara kömək edir. Tamamilə yalandır. Makron Fransası bugünkü siyasətlə Ermənistanı məhvə aparır. Bu danılmaz faktdır. Mə­nim ölkəmin rəhbərləri kiminsə əlində alət olmaq xəstəliyindən qurtulmalıdırlar”. 

Bu məqamda bir fakt da yada düşür. İnternetdəki rusdilli materiallardan bi­rində oxumuşdum ki, Nikol Paşinyanın Paris səfəri zamanı hər şeydən danışılıb. Hətta Paşinyan bir neçə dəfə “Azərbay­canla sülh” ifadəsini işlətsə belə, Makron bu sözü qətiyyən dilinə gətirməyib. Bu isə Martirosyanın dediklərinin həqiqət oldu­ğunu göstərir: Makron Fransası Ermənis­tanı yeni müharibəyə təhrik etməklə onu məhvə sürükləyir – iflas etmiş ölkənin axırına çıxmaq istəyir. Təki bu yolla Azər­baycana başağrısı yaratsın.

Bax belə. Fransanın indiki ərzi-ha­lı budur. O halətdə, Makron labirintdən çıxa bilərmi? Əlbəttə, yox. Ancaq dəqiq elmlərdə variantlar tükənsə də, siyasət­də variantlar tükənmir. Yəni labirintdən çıxmaq üçün çox asan yol var: ədalətli olmaq. Vəssalam! 

İttifaq MİRZƏBƏYLİ