Macarıstanın Baş naziri Viktor Orban bildirib ki, Azərbaycan Avropa İttifaqının (Aİ) enerji müstəqilliyini qorumaq üçün “strateji baxımdan mühüm ölkədir”.
XQ xəbər verir ki, İspaniyanın Qranada şəhərində Aİ liderlərinin qeyri-rəsmi görüşündən əvvəl bəyanat verən Viktor Orban vurğulayıb: “Azərbaycan mühüm ölkədir. Azərbaycan olmadan biz enerji müstəqilliyinə nail ola bilmərik”.
Onun sözlərinə görə, Azərbaycanın qaz təchizatı olmasa, Aİ Rusiyanın qazıntı yanacaqlarından asılılığını azalda bilməz.
