Xarici ölkələrdə fəaliyyət göstərən 15 koordinasiya şurası və 38 ölkədəki Azərbaycan diaspor təşkilatı Cənubi Qafqaz bölgəsində yaranmış vəziyyət və Azərbaycanın sülh səylərinin dəstəklənməsi ilə bağlı beynəlxalq ictimaiyyətə bəyanatla müraciət edib.

Birləşmiş Millətlər Təşkilatına və di­gər beynəlxalq təşkilatlara ünvanlanan bəyanatda Azərbaycanla Ermənistan arasında 2020-ci ildə baş vermiş mü­haribədən sonrakı vəziyyətlə bağlı qalmış aktual problemlərə diqqət cəlb edilib. 

Ermənistanın 30 il ərzində işğal altında saxladığı Azərbaycan torpaq­larında dəhşətli dağıntılar və ekoloji terror törətdiyini bir daha xatırladan diaspor təşkilatları bəyan ediblər ki, er­məni tərəfinin əsassız iddialarına bax­mayaraq, Qarabağla bütün kommuni­kasiya yolları açıqdır. 

Azərbaycanın yeganə tələbinin öz ərazilərində, o cümlədən nəqliy­yat-kommunikasiya yolları üzərində suverenliyini qorumaq olduğu və bu tələbin beynəlxalq hüququn normaları­na tam uyğun gəldiyi, Qarabağ bölgə­sində irimiqyaslı bərpa-yenidənqurma işləri aparan ölkəmizin münaqişədə və yeni iğtişaşlarda maraqlı olmadığı diqqətə çatdırılıb. 

Diaspor təşkilatları beynəlxalq ictimaiyyəti iki ölkə arasında müna­sibətlərin gərginləşdirilməsinə deyil, konstruktiv dialoqun təşkilinə yardım göstərməyə çağırıb.