Keniyanın Turkana Bio Aloe Təşkilatının sədri Eliud Emeri beynəlxalq ictimaiyyətin diqqətini Ermənistan hökumətinin və Qarabağdakı qeyri-qanuni rejimin qalıqlarının öz siyasi məqsədlərinə çatmaq üçün yaratdıqları süni maneələrə cəlb etmək məqsədilə Keniyada fəaliyyət göstərən vətəndaş cəmiyyəti təşkilatları adından bəyanat yayıb.

Sənəddə qeyd olunur: “Biz - Keniya­da fəaliyyət göstərən vətəndaş cəmiyyəti təşkilatları bu bəyanatla Azərbaycanın Qarabağ regionunun erməni sakinlərinin reinteqrasiyasının Ermənistan tərəfindən əngəllənməsini pisləyirik.

Ermənistanın bir sıra məmurları La­çın yolu haqqında siyasi manipulyasiya və spekulyasiya yaratmağa çalışırlar. Bu iddialar tamamilə əsassızdır və təkzib edilir”.

Bəyanatda, həmçinin vurğulanıb ki, Azərbaycan tərəfinin Azərbaycanın Qarabağ bölgəsinin erməni sakinləri­nin ehtiyaclarını qarşılamaq üçün Ağ­dam-Xankəndi yolundan istifadə etmək təklifi beynəlxalq təşkilatlar tərəfindən yüksək qiymətləndirilib. 

“Beynəlxalq ictimaiyyət bilməlidir ki, Azərbaycan blokada yaratmır, əksinə, yardım təklif edir. Lakin qeyri-qanuni re­jimin qalıqlarının təxribatları humanitar yardımdan imtina deməkdir.

Biz Ermənistan hökumətini təxribat­ları dayandırmağa çağırırıq. Çünki onlar Qarabağın erməni sakinlərinin Azərbay­cana reinteqrasiyasına əngəl olur, regi­onda sülhə və təhlükəsizliyə nail olmaq üçün süni maneələr yaradırlar.

Biz beynəlxalq təşkilatlara müraciət edirik ki, adekvat reaksiya versinlər və Qarabağ ermənilərinin Azərbaycana re­inteqrasiyası prosesini dəstəkləsinlər, - deyə bəyanatda vurğulanıb.