1990-cı illərin əvvəllərindən başlayaraq ölkəmizə qarşı otuz ilə yaxın təcavü­zü zamanı Ermənistan çoxsaylı hərbi cinayətlər törədib. Bunun nəticəsində on minlərlə dinc sakin həlak olub. Ermənilər Qarabağda kütləvi etnik təmizləmə aparıb, yaşayış məntəqələrimizi dağıdıb, mədəni irsi məhv ediblər. İnsanlıqla bir araya sığmayan bu vandalizmin miqyasını hərbi əməliyyatlar zamanı itkin düşmüş 4 minə yaxın Azərbaycan vətəndaşı, o cümlədən İrəvanın taleyinə ay­dınlıq gətirməkdən çəkindiyi 719 mülki şəxs də sübut edir. 

Bütün bunlar heç baş verməyi­bmiş kimi, indi durub Bakının qəs­dən “humanitar böhran” yaratdığı, “Laçın yolunu blokladığı”, Qarabağ iqtisadi rayonumuzda yaşayan er­məni sakinlərə qarşı “etnik təmiz­ləmə” aparmağa hazırlaşdığı barə­də dezinformasiya yaymaq, bu növ yalanları beynəlxalq qurumlara car çəkmək daşnak hayların çox­dan vərdiş elədiyi siyasi şantajdan başqa bir şey deyil.

Ən maraqlı və heyrətdoğuran hal odur ki, İrəvandakı və Xankəndidəki se­paratçılar uydurduqları yalan və cəfən­giyyatı əsaslandırmağa çalışırlar. Hər şeydən göründüyü kimi, erməni fitnə­karlar artıq hədlərini aşıblar, cızıqların­dan çox qırağa çıxıblar. Amma Bakının qırımını və dediyi sözün arxasında dur­duğunu unutmasınlar. Xankəndidən İrə­vana maneəsiz “magistral şosse” tələb edənlər layiq olduqları təpkini gördükdən sonra həmin Laçın yolundakı Həkəri sər­həd postumuzdan keçmək üçün Bakıya, eləcə də beynəlxalq təşkilatlara minnətçi düşəcəklər.

Bütün xəbis niyyətli fəaliyyətlərini Azərbaycana “transfer” etməyə çalı­şan İrəvanın finişə yaxınlaşdığı bəllidir. Bu məqamda qısa bir haşiyəyə çıxaq. Hayların tarixdən dünyaya bəlli bədnam adlarını XXI əsrdə bizə sırımaq cəhdləri təxminən altı-yeddi il bundan əvvəl Ru­siyada yaşayan Maruk Anutunyan adlı musiqi alətləri ustasının böyük alman bəstəkarı İohan Sebastian Baxın erməni olduğunu ərz etməsinə bənzəyir. O za­man bu arsız hayın cavabını ruslar özləri vermişdi.

Ermənistan “humanitar böhran”dan sui-istifadə edir

Azərbaycanın BMT yanında daimi nümayəndəsi Yaşar Əliyev BMT Təh­lükəsizlik Şurasında (TŞ) “Aclıq və mü­naqişələrin səbəb olduğu ərzaq problemi” mövzusunda açıq debatdakı çıxışında bir çox məsələlərə aydınlıq gətirib. Misal üçün, bildirib ki, Azərbaycan Ermənis­tanın Qarabağ ermənilərinə humanitar yardım məsələsindən özünün pisniyyətli məqsədləri üçün sui-istifadə etmək kimi ardıcıl səylərini qınayır. “Laçın sərhəd keçid məntəqəsinin yaradılması BMT üzvü olan hər hansı digər dövlətin öz sərhədlərinin təhlükəsizliyini və müha­fizəsini təmin etmək, yolboyu insanların, nəqliyyat vasitələrinin və yüklərin hərəkə­tinin təhlükəsizliyini təmin etmək hüququ kimi, Azərbaycanın da danılmaz suveren hüququdur”, – deyən Y.Əliyev İrəvanın bu qəbildən olan iddialarının açıq-aşkar yalan və təxribat xarakteri daşıdığını TŞ üzvlərinin nəzərinə çatdırıb: “Azərbaycan heç vaxt erməni sakinlərin Laçın yolunda sərbəst hərəkətinə, eləcə də ərzaq, dər­man və digər humanitar məqsədlər üçün istifadəsinə, Beynəlxalq Qırmızı Xaç Ko­mitəsinin fəaliyyətinə əngəl yaratmayıb. Ermənistanın bu kimi yalanlarını ifşa edən çoxsaylı sənədləşdirilmiş sübutlar mövcuddur”. 

Diplomat onu da xatırladıb ki, cari ilin iyulun 6-da Beynəlxalq Ədalət Məhkəmə­si Ermənistanın iddialarını əsassız hesab edib, eyni zamanda, İrəvanın Həkəri ke­çid məntəqəsi ilə bağlı müvəqqəti tədbir­lər görmək tələbini yekdilliklə rədd edib. 

Ermənistan Azərbaycana təzminat ödəməlidir!

Hayastanın siyasi kursunda nifrət, dözümsüzlük, şər-böhtan və yalanın nə dərəcədə üstünlük təşkil etdiyini indi bi­zim kimi, onun şərqli-qərbli tərəfdarları da yaxşı bilirlər. Paşinyan hökuməti, bu sözün müstəqim mənasında, regional sülhə, bölgənin təhlükəsizliyinə və sabit­liyinə qarşı ciddi təhlükə ocağına çevrilib. “Miatsum”, “dənizdən-dənizə” kimi xül­yalarından əl çəkməyən Ermənistanın şovinist-daşnak iqtidarı keçən əsrin sək­səninci illərinin sonunda 200 mindən çox azərbaycanlını tarixi vətənlərindən – Qər­bi Azərbaycandan qovmaqla, millətimizə qarşı açıq təcavüz həyata keçirib. Üstə­lik, suveren ərazimizin böyük bir hissəsini işğal edərək, Qarabağda etnik təmizləmə aparıb. Bütün bunlara nəzər salanda bu gün hayların Azərbaycan türklərinə qarşı etnik zəmində nifrət və ayrı-seçkilik itti­hamlarını irəli sürməsi tarixi məntiqsizlik və ironiyadir. 

Müharibənin 2020-ci ilin payızında başa çatmasına baxmayaraq, Ermə­nistan Beynəlxalq Ədalət Məhkəməsi­nin 2021-ci il dekabrın 7-də qəbul et­diyi “İrqi ədavətin qızışdırılmasının və təşviqinin qarşısını almaq üçün bütün lazımi tədbirlərin görülməsi” tapşırığına açıq-aşkar məhəl qoymayıb. Ermənis­tanda fəaliyyət göstərən təşkilatlar və fiziki şəxlər anti-Azərbaycan nifrətini qı­zışdırmaqda bu gün də davam edirlər. BMT TŞ-nin iclasındakı çıxışında Y.Əli­yev “Ermənistan öz beynəlxalq öhdəliklə­rinə əməl etməli, silahlı qüvvələrini Azər­baycan ərazisindən tamamilə çıxarmalı, ərazi iddialarına, qanunsuz fəaliyyətlərə və dezinformasiyalara son qoymalı, mina terrorunu dayandırmalı, münaqişə zama­nı itkin düşmüş 4 minə yaxın azərbay­canlının taleyinə işıq salmalı, Azərbayca­na, o cümlədən onun ərzaq təhlükəsizliyi sistemlərinə dəymiş zərəri ödəməli və iki dövlət arasında sülh müqaviləsi və sər­hədin delimitasiyası üzrə danışıqlarda vicdanlı şəkildə iştirak etməlidir. Azər­baycan öz xalqını, suverenliyini və ərazi bütövlüyünü qorumaq əzmində qətidir və dinc, təhlükəsiz, sabit və çiçəklənən regi­on məqsədlərinə tam sadiqdir”, - deyib.

Niyyətiniz haradırsa, mənziliniz də ora olacaq

İkinci Qarabağ müharibəsində Er­mənistan beynəlxalq hüququn norma və prinsiplərini kobud surətdə pozaraq, mülki əhalini və mülki infrastrukturu hə­dəf alıb, əməliyyat zonasından uzaqdakı dinc şəhərlərimizə raket zərbələri endirib. Həmin vəhşi hücumlar zamanı mülki ob­yektlər, evlər, məktəblər və xəstəxanalar dağılıb, mülki əhali arasında çoxlu sayda ölən və yaralanan olub. Məğlubiyyətin yaxınlaşdığını görən İrəvanın bu zaman ağır partlayıcı silahlardan, kaset bomba­larından qəsdən istifadə etməsi onların əsl niyyətini ortaya qoydu. Münaqişənin sona çatmasına baxmayaraq, Ermənis­tanın Azərbaycan ərazisinə yerləşdirdi­yi yüz minlərlə mina haqqında dəqiq və dolğun məlumatıları bölüşməkdən boyun qaçırır və bu minalar mülki əhalini öldür­məkdə və şikəst etməkdə davam edir.

Ermənilərin müharibə cinayətlərinin sayı və xarakteri hədsizdir. Onlar bizim əsirlərin əksəriyyətini döyüb şikəst edib­lər, ağır işgəncələrə məruz qoyublar. Azərbaycanın mülki əhalisinə qarşı törə­dilmiş çoxsaylı vəhşiliklərin günahkarları beynəlxalq hüquqa açıq-aşkar məhəl qoymadan bu gün də cəzasız qalmaqda davam edirlər. 

Fikir verin, hay özbaşınalığına göz yuman həmin ümumdünya insan haqları institutlarının əksəriyyəti Azərbaycanı “hu­manitar şantaj karvanına” yol verməyə ça­ğırır. Bizsə İlahi ədalətin qalib gələcəyinə inanırıq.

Rasim MUSABƏYOV,
Milli Məclisin deputatı, politoloq

Azərbaycanın Ermənistana təz­minat məsələsi onların özlərinin yersiz və məntiqsiz iddialarına qarşı atılan addımdır. Onlar elə düşünürlər ki, öz istəklərini birtərəfli qaydada gündəliyə gətirməyi bacaracaqlar. Yaxud, qərbli daydaylarının hesabına Azərbaycanı hansısa məsələdə geri çəkilməyə məcbur edə biləcəklərini güman edirlər. Əksinə, ermənilərin belə davranışlarına qarşı Azərbay­can da gündəliyə yeni tələblərini gə­tirir. Bu zaman Ermənistandan fərqli olaraq, Azərbaycanın tələbləri tama­milə qanunauyğundur.

Nikol Paşinyan üçtərəfli Bəya­natda öz imzası ilə təsdiqləmiş oldu ki, Azərbaycan ərazilərini işğal edən də, müharibə aparan da Ermənis­tandır. Həmin ərazilərdə bütün da­ğıntıları törədən də onların özləridir. Buna görə cavab verməlidirlər. Bu zaman təzminat ödənməlidir. O ayrı məsələdir ki, bu gün İrəvanın təz­minat ödəməyə nə gücü var, nə də imkanı. Amma o təzminat daim bo­yunlarında qalmalıdır. Məsələ ilə bağlı beynəlxalq audit şirkətləri cəlb olunub, bu yöndə işlər davam etdi­riləcək. Hesablamalar aparılacaq və vurulmuş ziyanla bağlı ortaya dəqiq məbləğ çıxarılacaq.

İndiki mərhələdə Ermənistan hər vəchlə özünün qanunsuz iddialarına əl yeri saxlamağa və sülh danışıq­larını bataqlığa sürükləməyə çalışır. Guya, Rusiya Ukrayna cəbhəsində qalib gələndən sonra Azərbayca­nın üstünə yeriyəcək, bununla da İrəvanın işləri düzələcək. Ya da bir­dən-birə elə bir hadisə baş verəcək ki, bunun müqabilində ermənilər hansısa şəkildə Azərbaycandan tor­paq qoparmaq imkanı qazanacaqlar. Bu, baş verməyəcək. 

Məsələyə ədalətli yanaşma onu tələb edir ki, əgər “Qarabağ Azər­baycandır” deyirsənsə, zəhmət çək bunu sənəddə imzanla təsdiqlə! Dövlətlərin daxili işlərinə qarışma­maq prinsipini qəbul edirsənsə, bunu da imzala və bununla da Qarabağ erməniləri ilə bağlı bütün iddialarına son qoy! Bunları etməyəcəyin təqdir­də, baş verəcəklərə görə məsuliyyət sənin üzərindədir, Ermənistan! Səfi­rimiz Yaşar Əliyevin yüksək tribuna­dan irəli sürdüyü şərtlər tam əsaslı­dır. Əminəm ki, Azərbaycanın hücum diplomatiyası BMT-də bundan sonra da davam edəcək. 

İmran BƏDİRXANLI, “Xalq qəzeti”