Britaniyanın keçmiş baş naziri Boris Conson koronavirus pandemiyası zamanı şənliklər keçirilməsi ilə bağlı yalan danışdığına görə İntizam Komitəsi tərəfindən tənqid olunub. Britaniya Parlamenti İntizam Komitəsinin bu tənqid hesabatını təsdiqləyib.
Siyasətçini ittiham edən komitə üzvlərinin yekun rəyini 354 deputat dəstəkləyib, yalnız 7 deputat qərarın əleyhinə çıxıb. Ciddi siyasi pozuntuya görə intizam cəzası olaraq Boris Conson sabiq deputat kimi parlament binasına icazəsiz daxil olmaq hüququndan məhrum edilib. Çoxları səsverməni rəmzi hesab etsə də, digərləri onu parlamentə etimadı bərpa etmək istiqamətində mühüm addım kimi qiymətləndirib.
Xatırladaq ki, Boris Conson hələ komissiyanın gəldiyi nəticə dərc edilənə qədər parlament üzvlüyündən istefa vermişdi.
“Xalq qəzeti”
.png)
