UNESCO Qərbi Azərbaycan İcmasının müraciətinə rəsmi cavab verib.
Məlumatda bildirilir ki, Qərbi Azərbaycan İcması 2023-cü il martın 27-də Birləşmiş Millətlər Təşkilatının Təhsil, Elm və Mədəniyyət Təşkilatına (UNESCO) müraciət edərək, indiki Ermənistan ərazisində Azərbaycan mədəni irsinin kütləvi dağıdılması faktlarına diqqəti çəkmiş və bu sahədə vəziyyətin qiymətləndirilməsi üçün Ermənistana faktaraşdırıcı missiyanın göndərilməsini xahiş etmişdi.
Bu kontekstdə UNESCO İcmanın müraciətinə, nəhayət, rəsmi cavab verib. Təşkilatın rəhbər şəxsinin imzaladığı məktubda indiki Ermənistan ərazisində Azərbaycan mədəni irsinin vəziyyəti barədə İcmanın qaldırdığı məsələnin UNESCO-nun mandatına birbaşa aid olduğu vurğulanaraq və bu sahədə müvafiq mexanizmlərdən istifadə etməklə, məsələ ilə yaxından məşğul olunduğu bildirilib.
“Xalq qəzeti”