Azərbaycan Xarici İşlər Nazirliyi beynəlxalq ictimaiyyəti Ermənistan tərəfindən saxlanılan Azərbaycan hərbi qulluqçusuna qarşı işgəncə və qeyri-insani rəftarı pisləməyə çağırıb.
Hayların xislətinə yaxından bələd olsaq da, xüsusilə Birinci Qarabağ müharibəsi dövründə onlardan hər cür rəzaləti, insanlıqla bir araya sığmayan vəhşiliyi görsək də, indi, atəşkəs şəraitində dumanda yolunu azaraq qarşı tərəfə keçmiş, onlara bir güllə belə atmayan gənc əsgərimiz Hüseyn Axundovu vəhşicəsinə döymələrini hansı əxlaq və hüquq meyarı ilə ölçmək olar? Bu vəhşi rəftarın, belə heyvani davranışın bir adı var – erməni faşizmi! Nə etməli, bizə də belə qonşu qismət olub.
Dünyadan Ermənistana təpki gözləyirik
“Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən azaraq itkin düşən Azərbaycan Ordusunun 2 əsgəri Ermənistan tərəfindən saxlanılıb. Onlar şiddətli şəkildə döyülüb və işgəncələrə məruz qalıblar. Bu cür pis rəftar, tamamilə qəbuledilməzdir və beynəlxalq səviyyədə pislənməlidir”. Bu açıqlamanı XİN-in Mətbuat xidməti idarəsinin rəisi Ayxan Hacızadə tviterdə yazıb.
XİN rəsmisi “beynəlxalq ictimaiyyəti Ermənistan tərəfindən saxlanılan Azərbaycan hərbi qulluqçusuna qarşı işgəncə və qeyri-insani rəftarı pisləməyə çağırıb”.
Oxucuların nəzərinə çatdıraq ki, Azərbaycan Ordusunun iki əsgəri – 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu bir neçə gün əvvəl Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraiti səbəbindən yolu azaraq itkin düşüblər. Dünən Ermənistan Müdafiə Nazirliyi Azərbaycan əsgərlərinin saxlandığını etiraf edib. Bundan əvvəl isə sosial şəbəkələrdə, erməni mediasında əsir götürülən hərbçimizin döyülməsi, ona ağır işgəncə verilməsi ilə bağlı video-görüntülər yayılıb. Əsir və itkin düşmüş, girov götürülmüş vətəndaşlarla əlaqədar Dövlət Komissiyası Azərbaycan Ordusunun itkin düşən iki əsgəri ilə bağlı beynəlxalq təşkilatlara müraciət edib.
Beşikdən beyinlərini türk millətinə nifrətlə yuduqları körpə dığaların böyüyüb qana susamış daşnaka çevrildiyi şübhəsizdir. Amma onların içində nifrətdən yoğrulmuş qəddarlığın, bəşər övladına xas olmayan heyvani vəhşiliyin dərəcəsinə, miqyasına heyrət etməmək mümkün deyil. Yadımıza böyük yazıçımız, rəhmətlik Mirzə İbrahimovun 1989-cu ildə, Qarabağ münaqişəsinin təzə-təzə körükləndirildiyi vaxt Kremldə, Sov.İKP MK-nın xüsusi sessiyasında erməni daşnaklarının ünvanına dediyi sözlər düşür: “Tanrı bəndəsini cəzalandırmaq istəyəndə, əvvəlcə onun ağlını əlindən alır. İndi O, bu ermənilərin hamısını ağıldan məhrum edib”. Müdrik söz adamı o zaman sözün düzünü deyib. Əlavə nə deyəsən ki?..
“Xalq qəzeti”
