Hörmətli redaksiya, Azərbaycanda səhiyyə sistemində baş verən yeniliklərə, tibbi sığortanın tətbiqinin rahatlığına, müasir avadanlıqlarda müayinələrin və müalicənin necə aparılmasına bu yaxınlarda Elmi-Tədqiqat Tibbi Bərpa İnstitutunda müalicə olunduğum zaman şahid oldum.
Çox sevindirici haldır ki, hazırda insanlarımız sağlamlığında hansısa bir problem yarandığı zaman müasir üslubda tikilmiş və ya bərpa olunmuş, müasir avadanlıqlarla təchiz olunmuş tibb müəssisələrinə müraciət edə bilir. Mən böyük tarixə malik müalicə ocağı olan, minlərlə insanın şəfa tapdığı Elmi-Tədqiqat Tibbi Bərpa İnstitutuna müraciət etdim, orada müalicə kursu aldım.
Bu müalicə ocağında mənə göstərilən diqqət və qayğıya görə institutun bütün kollektivinə, xüsusən onun direktoru, professor Sədaqət Hüseynovaya, kiçik elmi işçi, nevroloq Aygün İsayevaya, baş tibb bacısı Gülmirə xanıma dərin təşəkkürümü bildirirəm.
Oruc KƏNGƏRLİ,
Bakı sakini
