Müdafiə Nazirliyi Azərbaycanın Qarabağ bölgəsində keçirilən lokal xarakterli antiterror tədbirləri başa çatdıqdan sonra müsadirə edilmiş döyüş texnikası, silah və sursat barədə sentyabrın 26-sı saat 10:00-a olan məlumatı açıqlayıb.
Müdafiə Nazirliyinin mətbuat xidmətindən XQ-yə bildirilib ki, siyahıda 909 atıcı silah və qumbaraatan, 47 artilleriya silahı, 165 HHM vasitəsi, 251 308 döyüş sursatı, 1674 təchizat və ləvazimat, 154 optik və digər cihazlar, 22 zirehli texnika, 75 avtomobil texnikası və 21 qoşqu yer alır.
