№ 330 Bakı şəhəri, 3 iyul 2024-cü il 

Azərbaycan Respublikası Nazirlər Kabinetinin 2017-ci il 17 noyabr ta­rixli 500 nömrəli Qərarı ilə təsdiq edilmiş “Azərbaycan Respublikasının xarici iqtisadi fəaliyyətin mal nomenk­laturası, idxal gömrük rüsumlarının dərəcələri və ixrac gömrük rüsumları­nın dərəcələri”ndə dəyişiklik edilməsi haqqında

Azərbaycan Respublikası Konstitu­siyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2017-ci il 17 noyabr tarixli 500 nömrəli Qərarı (Azərbaycan Res­publikasının Qanunvericilik Toplusu, 2017, № 11, maddə 2164 (Cild I); 2024, № 1, maddə 127, № 2, maddə 244, № 4, maddə 465) ilə təsdiq edilmiş “Azərbay­can Respublikasının xarici iqtisadi fəaliy­yətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”nin 0713 10 100 1 alt yarımmövqeyinə aid sətrin ikinci sü­tununda “fevral, mart, aprel və may ayları üzrə” sözləri “oktyabr, noyabr, dekabr, yanvar, fevral və mart ayları üzrə” sözləri ilə əvəz edilsin.

2. Bu Qərar dərc edildiyi tarixdən 30 (otuz) gün sonra qüvvəyə minir.

Əli ƏSƏDOV,
Azərbaycan Respublikasının Baş naziri