№ 230 Bakı şəhəri, 24 aprel 2024-cü il

Azərbaycan Respublikası Nazirlər Kabinetinin 2019-cu il 15 iyul tarixli 308 nömrəli Qərarı ilə təsdiq edilmiş “İlkin mediasiya sessiyası zamanı mediasiya xidmətinin göstərilməsinə görə haqqın və digər xərclərin məb­ləği”ndə və 2019-cu il 5 sentyabr tarix­li 385 nömrəli Qərarı ilə təsdiq edilmiş “Mediasiya prosesinin həyata keçiril­məsi Qaydası”nda dəyişiklik edilməsi haqqında

Azərbaycan Respublikası Konstitu­siyasının 119-cu maddəsinin səkkizin­ci abzasını rəhbər tutaraq, “Mediasiya haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 26 dekabr tarixli 1079-VIQD nömrəli Qa­nununun icrasını təmin etmək məqsədilə Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2019-cu il 15 iyul tarixli 308 nömrəli Qərarı (Azərbaycan Respublika­sının Qanunvericilik Toplusu, 2019, № 7, maddə 1331 (Cild I) ilə təsdiq edilmiş “İl­kin mediasiya sessiyası zamanı mediasi­ya xidmətinin göstərilməsinə görə haqqın və digər xərclərin məbləği”nin cədvəlinin 3-cü hissəsi ləğv edilsin.

2. Azərbaycan Respublikası Nazir­lər Kabinetinin 2019-cu il 5 sentyabr tarixli 385 nömrəli Qərarı (Azərbaycan Respublikasının Qanunvericilik Toplusu, 2019, № 9, maddə 1539 (Cild I) ilə təs­diq edilmiş “Mediasiya prosesinin həyata keçirilməsi Qaydası”nın 7.2-ci bəndindən “kommersiya mübahisələri, həmçinin” sözləri çıxarılsın.

Əli ƏSƏDOV,
Azərbaycan Respublikasının Baş naziri