№ 173 Bakı şəhəri, 19 mart 2024-cü il

Azərbaycan Respublikası Kosmik Agentliyinin (Azərkosmos) fəaliyyət is­tiqamətləri üzrə müvafiq işlərin görülməsi üçün alınması tələb olunmayan lisenziya və icazələrin siyahısının təsdiq edilməsi haqqında

“Kosmik fəaliyyət haqqında” Azərbay­can Respublikasının 2023-cü il 24 iyun ta­rixli 927-VIQ nömrəli Qanununun tətbiq edilməsi barədə” Azərbaycan Respublikası Prezidentinin 2023-cü il 4 avqust tarixli 2291 nömrəli Fərmanının 2.1.2-ci yarımbəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:

1. “Azərbaycan Respublikası Kosmik Agentliyinin (Azərkosmos) fəaliyyət is­tiqamətləri üzrə müvafiq işlərin görülməsi üçün alınması tələb olunmayan lisenziyaların siyahısı” təsdiq edilsin (əlavə olunur).

2. “Azərbaycan Respublikası Kosmik Agentliyinin (Azərkosmos) fəaliyyət is­tiqamətləri üzrə müvafiq işlərin görülməsi üçün alınması tələb olunmayan icazələrin si­yahısı” təsdiq edilsin (əlavə olunur).

3. Bu Qərarda dəyişiklik Azərbaycan Respublikası Prezidentinin 2023-cü il 6 ok­tyabr tarixli 2328 nömrəli Fərmanı ilə təsdiq edilmiş “İcra hakimiyyəti orqanlarının nor­mativ hüquqi aktlarının layihələrinin hazır­lanması, razılaşdırılması, qəbul edilməsi və dərc edilməsi qaydası haqqında Əsasnamə”­nin 3.5-ci bəndinə uyğun edilə bilər.

Əli ƏSƏDOV,
Azərbaycan Respublikasının Baş naziri