№ 21 Bakı şəhəri, 13 yanvar 2024-cü il

“Azərbaycan Respublikasının Ki­çik və Orta Biznesin İnkişafı Agentliyi yanında daimi fəaliyyət göstərən Koor­dinasiya Qrupunun yaradılması, “Azər­baycan Respublikasının Kiçik və Orta Biznesin İnkişafı Agentliyi yanında da­imi fəaliyyət göstərən Koordinasiya Qru­punun tərkibi, səlahiyyətləri və fəaliyyəti ilə bağlı məsələlər haqqında Əsasnamə”­nin təsdiq edilməsi və “Azərbaycan Res­publikasının Kiçik və Orta Biznesin İn­kişafı Agentliyi yanında daimi fəaliyyət göstərən Koordinasiya Qrupunun yara­dılması haqqında” Azərbaycan Respub­likası Nazirlər Kabinetinin 2018-ci il 21 sentyabr tarixli 408 nömrəli Qərarının ləğv edilməsi barədə

Azərbaycan Respublikası Konstitusi­yasının 119-cu maddəsinin səkkizinci ab­zasını rəhbər tutaraq, “Mikro, kiçik və orta sahibkarlığın inkişafı haqqında” Azərbay­can Respublikasının 2022-ci il 2 dekabr ta­rixli 661-VIQ nömrəli Qanununun tətbiqi və Azərbaycan Respublikası Prezidentinin “Azərbaycan Respublikasının Kiçik və Orta Biznesin İnkişafı Agentliyinin fəaliy­yətinin təmin edilməsi haqqında” 2018-ci il 26 iyun tarixli 148 nömrəli Fərmanında dəyişiklik edilməsi, “Kiçik sahibkarlığa dövlət köməyi haqqında” Azərbaycan Res­publikası Qanununun tətbiq edilməsi barə­də” 1999-cu il 4 avqust tarixli 171 nömrəli Fərmanının ləğv edilməsi haqqında” Azər­baycan Respublikası Prezidentinin 2023-cü il 26 yanvar tarixli 2001 nömrəli Fər­manının 2.2.1-ci yarımbəndinin və 2.3-cü bəndinin icrasını təmin etmək məqsədilə Azərbaycan Respublikasının Nazirlər Ka­bineti qərara alır:

1. Azərbaycan Respublikasının Kiçik və Orta Biznesin İnkişafı Agentliyi yanın­da daimi fəaliyyət göstərən Koordinasiya Qrupu yaradılsın. 

2. “Azərbaycan Respublikasının Kiçik və Orta Biznesin İnkişafı Agentliyi yanın­da daimi fəaliyyət göstərən Koordinasiya Qrupunun tərkibi, səlahiyyətləri və fəa­liyyəti ilə bağlı məsələlər haqqında Əsas­namə” təsdiq edilsin (əlavə olunur).

3. Azərbaycan Respublikası Preziden­tinin 2018-ci il 26 iyun tarixli 148 nömrəli Fərmanı ilə təsdiq edilmiş “Kiçik və orta biznes evlərində mikro, kiçik və orta sahi­bkarlıq subyektlərinə göstərilən xidmətlə­rin siyahısı”na uyğun olaraq kiçik və orta biznes evlərində xidmətlər göstərən dövlət orqanları (qurumları) Koordinasiya Qrupu­nun tərkibinin formalaşdırılması ilə əlaqə­dar Koordinasiya Qrupunda onları təmsil edəcək şəxslər barədə müvafiq məlumat­ları Azərbaycan Respublikasının Kiçik və Orta Biznesin İnkişafı Agentliyinə təqdim etsinlər. 

4. “Azərbaycan Respublikasının Kiçik və Orta Biznesin İnkişafı Agentliyi yanın­da daimi fəaliyyət göstərən Koordinasiya Qrupunun yaradılması haqqında” Azər­baycan Respublikası Nazirlər Kabinetinin 2018-ci il 21 sentyabr tarixli 408 nömrəli Qərarı (Azərbaycan Respublikasının Qa­nunvericilik Toplusu, 2018, № 9, maddə 1936 (Cild I) ləğv edilsin.

Əli ƏSƏDOV,
Azərbaycan Respublikasının Baş naziri