Azərbaycan Respublikası Nazirlər Kabinetinin Qərarı

№ 119 Bakı şəhəri, 18 aprel 2023-cü il

“Əcnəbilərin və vətəndaşlığı olmayan şəxslərin Azər­baycan Respublikasının ərazisində müvəqqəti olma müddətinin uzadılması, müvəqqəti və ya daimi yaşamaq üçün icazənin, o cümlədən iş icazəsinin verilməsi (və ya müddətinin uzadılması) üçün ərizə-anket nümunələri­nin təsdiq edilməsi barədə” Azərbaycan Respublikası Nazirlər Kabinetinin 2014-cü il 7 fevral tarixli 40 nömrəli Qərarında dəyişiklik edilməsi haqqında

Azərbaycan Respublikası Konstitusiyasının 119-cu mad­dəsinin səkkizinci abzasını rəhbər tutaraq, Azərbaycan Res­publikasının Nazirlər Kabineti qərara alır:

Azərbaycan Respublikası Nazirlər Kabinetinin 2014-cü il 7 fevral tarixli 40 nömrəli Qərarı (Azərbaycan Respublikasının Qanunvericilik Toplusu, 2014, № 2, maddə 195; 2015, № 10, maddə 1222; 2016, № 8, maddə 1451; 2018, № 4, maddə 822; 2019, № 12, maddə 2093; 2020, № 8, maddə 1125) ilə təsdiq edilmiş 2 nömrəli əlavə - “Əcnəbilərə və vətəndaşlığı olmayan şəxslərə Azərbaycan Respublikasının ərazisində müvəqqəti yaşamaq icazəsinin verilməsi (müddətinin uzadıl­ması) üçün ərizə-anket”də aşağıdakı dəyişikliklər edilsin:

1. 11.7-1-ci bənddə “və 64.0.17-ci” və “and 64.0.17” sözləri müvafiq olaraq “, 64.0.17-ci, 64.0.18-ci və 64.0.19-cu” və “, 64.0.17, 64.0.18 and 64.0.19” sözləri ilə əvəz edilsin.

2. Aşağıdakı məzmunda 11.7-1.8-ci və 11.7-1.9-cu yarım-bəndlər əlavə edilsin:

11.7-1.8. Ələt azad iqtisadi zonasının səlahiyyətli qurumunun, inzibati müəssisələrinin və hüquqi şəxslərinin Ələt azad iqtisadi zo­nasının ərazisində işə cəlb etdiyi şəxslər, habelə bu hüquqi şəxslərin təsisçiləri olduqda

(to be a person employed by authorized entities, administrative institutions and legal persons of the Alat Free Economic Zone, inclu­ding founders of the legal persons)                                                                                  □
11.7-1.9. texnologiyalar parkının rezidenti (hüquqi şəxsə mü­na-sibətdə onun rəhbəri və müavinləri vəzifəsini tutanlar) və həmin rezident tərəfindən Azərbaycan Respublikasının ərazisində əmək fəaliyyətinə cəlb edilən informasiya və kommunikasiya texnologiya­ları sahəsində təcrübəsi olan mütəxəssislər olduqda

(to be a resident of a technology park (with regards to a legal person, those holding office as its head and deputies) and specialists with experience in the field of information and communication tech­nologies involved in labor activity by that resident on the territory of the Republic of Azerbaijan)                                                                                                □ 
 

Əli ƏSƏDOV,
Azərbaycan Respublikasının Baş naziri