Müxtəlif nəsilləri təmsil edən Azərbaycan təsviri sənəti nümayəndələrinin son 60 ildə yaratdıqları əsərlər BP şirkətinin təqdim etdiyi kitab-albomda əksini tapıb.
Nəfis şəkildə hazırlanmış nəşrdə Azərbaycanın ecazkar sənət aləminin parlaq, rəngarəng və çoxşaxəli özəllikləri toplanıb. Bu layihə BP-nin zəngin mədəni irsimizin təbliğinə verdiyi davamlı dəstəyin bir hissəsidir.
Kitab-albomu Təşəbbüslər və Layihələr Mərkəzi Azərbaycan, ingilis və rus dillərində hazırlayıb. Nəşrdə təqdim olunan əsərlər Azərbaycan Dövlət Rəsm Qalereyasında sərgilənən rəngkarlıq, heykəltəraşlıq, qrafika, tətbiqi sənət və teatr dekorasiya sənətini əhatə edən 12000 əsərlik yaradıcılıq kolleksiyasından seçilib.
Misilsiz sənət toplusunda Azərbaycan milli rəssamlıq məktəbinin dünya şöhrətli korifeyləri ilə yeni, istedadlı rəngkarların əsərləri bir araya gətirilib. Sənət toplusu müvafiq incəsənət mərkəzlərinə, muzeylərə, qalereyalara və kitabxanalara, eləcə də bütün sənətsevərlərə bp-nin hədiyyəsidir.
XQ
