Azərbaycan Dövlət Akademik Musiqili Teatrı ənənəyə uyğun olaraq, 115-ci mövsümündə də teatrsevərlərin görüşünə maraqlı səhnə əsərləri ilə gələcək. Sənət ocağı mövsümün açılışına 18 Sentyabr – Üzeyir Musiqi Günündə dahi bəstəkarın “O olmasın, bu olsun” tamaşası ilə başlayacaq. Bu barədə XQ-yə məlumat verən teatrın direktoru, Əməkdar incəsənət xadimi Əliqismət Lalayev dedi:

– Teatrın yaradıcı heyəti qarşıdakı mövsümü daha maraqlı və yaddaqalan et­mək üçün hazırlıqlara başlayıb. Mövsümə başladıqdan sonra 4 gün ardıcıl davam edəcək ənənəvi “Üzeyir Hacıbəyli həftə­si” çərçivəsində dahi bəstəkarın “Leyli və Məcnun” (quruluşçu rejissor və libretto müəllifi Samir Qulamov), “Ər və arvad” (quruluşçu rejissor Yusif Əkbərov), “Arşın mal alan” (quruluşçu rejissor Elvin Mirzə­yev, bərpaçı rejissor Əhəd Hacıyev) tama­şaları da nümayiş olunacaq. 

Bundan başqa, sentyabrın 22-də quru­luşçu rejissoru Cavid İmamverdiyev olan “Nəğməmə inan”, 28-də rejissor Yusif Əkbərovun quruluş verdiyi “Qızıl toy”, 29-da isə Cavid İmamverdiyevin hazırla­dığı “Bəxtiyar” tamaşaları teatrsevərlərə təqdim ediləcək. 

Teatrda yeni əsərlərin səhnə hazırlıq­ları barədə danışan sənət ocağının rəhbəri bildirdi:

– Hazırda rejissorlardan Elməddin Da­daşovun quruluşunda “Bir qalanın sirri”, İlham Namiq Kamalın quruluş verdiyi “Əliqulu evlənir”, Ər Toğrulun hazırla­dığı “Palata” və Zaur Əliyevin tərtiba­tında “Killerdən teleqram” tamaşalarının məşqləri gedir, premyeralara hazırlıq işləri görülür. Bununla yanaşı, yaradıcı heyət il boyu istər ölkəmizdə, istərsə də onun hü­dudlarından kənarda gerçəkləşdiriləcək layihələrdə də çıxış edəcək. 

C.BALABƏY
XQ