Sankt-Peterburqun Aleksandrinski Teatrının yaradıcı heyəti Bakıya qastro­la gələcək. Rusiyanın qocaman sənət ocağı səhnələşdirdiyi Qoqolun məşhur “Evlənmə” pyesini Azərbaycan Dövlət Akademik Milli Dram Teatrında azərbaycanlı tamaşaçılara nümayiş etdirəcək. 

Bu barədə XQ-yə məlumat verən Milli Dram Teatrının mətbuat katibi Cavid Zeynallı bildirdi:

– Milli Dram Teatrı Aleksandrins­ki Teatrı ilə bu il əməkdaşlıq memo­randumu imzalayıb. Bu layihə hər iki ölkənin milli teatrlarının birgə layihə­sidir. Rusiya teatrının səfəri sentyab­rın 19-20-nə nəzərdə tutulur. Təqdim olunacaq səhnə əsərinə Rusiyanın görkəmli rejissoru, Xalq artisti Valeri Fokinin quruluşunda baxılacaq. Baş­lıca məqsədimiz dünyanın aparıcı teatrları ilə qarşılıqlı əməkdaşlıq əlaqələrimizi inkişaf etdirmək və təcrübə mübadiləsi aparmaqdır. 

Sözügedən qastrol Azərbaycan və Rusiyanın mədəniyyət nazirliklərinin birgə dəstəyi ilə reallaşacaq. 

Ceyhun ALIŞLI
XQ