Avstriyanın tanınmış kurort turizm regionlarından olan Zalsburq əyalətinin Bad Hofqastayn qəsəbəsində 4-cü Millətlər Festivalı keçirilib.

Mədəni müxtəlifliyi təb­liğ edən festivalda ölkəmizi Zalsburq şəhərində fəaliyyət göstərən Avstriya Azərbay­canlıları Cəmiyyəti təmsil edib. Qırxdan çox millətin birgə yaşadığı, yay və qış tu­rizmi, kurortları və füsunkar təbiəti ilə tanınan, Qastayn dərəsində yerləşən qəsəbə­dəki festivalın məqsədi xalq­ların milli mətbəxi, musiqi və rəqslərini nümayiş etdirmək, regionun multikultural dəyər­lərini zənginləşdirməkdir.

Zalsburq şəhərində yer­ləşən KULTUR.GUT təhsil təşkilatının yerli bələdiyyə və Turizm Birliyi ilə birgə hazır­ladığı festivalda Azərbaycan guşəsi xüsusi maraqla qar­şılanıb. Guşədə Azərbaycan milli xörəkləri və şirniyyatları, eləcə də milli istehsalımız olan məhsul və suvenirlər təqdim olunub. Milli geyim­də festivala qatılan Avstriya Azərbaycanlıları Cəmiyyə­tinin üzvləri yerli sakinlər və turistlərə ölkəmiz, onun zən­gin mədəniyyəti, musiqisi, mətbəxi barədə məlumat ve­rib, kitab və broşürlər hədiy­yə ediblər. Soydaşlarımızın təqdimatında “Uzundərə“ və ”Naz eləmə” rəqsləri xüsusi maraqla qarşılanıb.

Tədbirin təşkilatçıları sonda ən maraqlı təqdimata görə Azərbaycan guşəsini 1-ci yerlə mükafatlandırıb və regionun mədəni müxtəlifliyi­nin tanıdılmasına həsr edil­miş festivala verilən töhfəyə görə təşəkkür ediblər.

XQ