Niderlandda yaşayıb-yaradan tanınmış azərbaycanlı jurnalist Vüqar Abbasovun adı Avropa Xəbər Agentliyinin (European News Agency) 30 ən yaxşı jurnalisti (Top 30 ENA-journalisten) siyahısına salınıb.

Soydaşımız 2008-ci ildən Niderland­da yaşayır. Azərbaycanda Qərb Univer­sitetini "Politologiya" ixtisası üzrə bitirib. 1993-cü ildə AzTV-də fəaliyyətə başlayıb və elə o ildə də Azərbaycan Jurnalistlər Birliyinin üzvlüyünə qəbul edilib. Atası da jurnalist olub, “Günün ekranı” xəbərlər proqramında işləyib. Niderlandda xey­li müddət yerli jurnalistlər birliyinin üzvü olub. İkinci təhsilini sosial xidmətlər üzrə alıb. 

V.Abbasov qeyd edib ki, niderland­lı dostları ilə birlikdə “Connect” təşkilatı yaradıblar: "Müxtəlif tədbirlərimiz olub ki, bunlar barədə Niderland mətbuatın­da çoxsaylı məlumatlar gedib. Hazırda təşkilat olaraq fəaliyyətimiz bəzi səbəb­lərdən yalnız lokal xarakter daşıyır. Artıq bir neçə ildir ki, mərkəzi ofisi Almaniya­da olan GNS Press Jurnalistlər Birliyinin üzvüyəm və Avropa Xəbər Agentliyi ilə əməkdaşlıq edirəm. Jurnalistlər birliyinin Avropa üzrə 8 min üzvü, agentliyin isə 146 əməkdaşı var. Mənim üçün olduqca xoş oldu ki, adım agentliyin 30 ən yaxşı jurnalisti siyahısına salınıb".

XQ