Aktivist Rəssamlar Assosiasiyasının (ARA) bir qrup üzvü Orta Asiya dövlətləri olan Qazaxıstan və Qırğızıstana səfər ediblər.

Assosiasiyadan “XQ”-yə verilən məlu­matda bildirilir ki, birliyin rəhbəri rəssam Nəvai Metin, Naqiyə Rzayeva və İntiqam Cəfərovun qatıldığı bu səfərdə, nəzərdə tutulduğu kimi, işgüzar görüşlər, sərgilər keçirilib.

İlk gün Qazaxıstanda olan sənətçiləri Almatı Dövlət Texnologiya Universitetinin prorektoru qəbul edib, tələbələrlə görüş təşkil olunub. Gələcək birgə addımlar müzakirə edilib. 

Daha sonra görüş Qazaxıstan İn­cəsənət Muzeyində davam edib. Burada rəssam Nəvai Metin müəllifi olduğu, qa­zaxıstanlı rəssamların da qatıldığı “Dün­yanı sənət xilas edəcək” adı kitab – kata­loqunu muzeyin rəhbərliyinə təqdim edib.

Qırğızıstanda da rəssamlarımızın görüşləri yaddaqalan olub. Qonaqlar Qır­ğızıstan Rəssamlar Birliyinin sədri Yax­şıbek Junuşev tərəfindən qəbul ediliblər və gələcəkdə yaradıcı səfərlərin daha intensiv keçirilməsi haqqında müzakirələr olub. Səfərdə olan rəssamların sərgisi haqqında qərar verilib.

Sonra Qırğızıstanın İssıkkul bölgə­sinə gedən rəssamlar 9-cu “Çukurova ədəbiyyat və sənət” festivalına qatılıb­lar. Festival müddətində rəssamlar canlı rəsmlər çəkiblər və tədbirin keçirildiyi əra­zidə sərgilər təşkil olunub. Naqiyə Rza­yevanın qum ilə göstərdiyi canlı perfor­mans xüsusi maraqla qarşılanıb. İntiqam Cəfərovun sulu boya ilə işlədiyi rəsmləri də diqqət çəkib.

Sənətçilərimizin bu fəaliyyəti yüksək dəyərləndirilib. Naqiyə Rzayeva Turan Birliyi və Özbəkistan Respublikasının medalı ilə, İntiqam Cəfərov Turan Birliyi medalı, Nəvai Metin isə Atatürk medalı ilə təltif olunublar.

Oradan Bişkekə qayıdan həmyerliləri­mizin Rəssamlar İttifaqının sərgi salonun­da da sərgiləri təşkil olunub. Tədbirin so­nunda rəssamlar Qırğızıstan Rəssamlar İttifaqının diplomlarına layiq görülüblər.

Ə.ƏLİYEV
XQ